ശ്രീനഗര്‍: ഹുറിയത്ത് കോണ്‍ഫറന്‍സ് ചെയര്‍മാന്‍ അലി ഷാ ഗീലാനിയെ പൊലിസ് അറസ്റ്റ് ചെയ്തു. വിലക്ക് മറികടന്ന് അനന്തനാഗിലേക്ക് പ്രതിഷേധ മാര്‍ച്ച് നടത്താന്‍ നീക്കം നടത്തുന്നതിനിടെയാണ് അദ്ദേഹത്തെ അറസ്റ്റ് ചെയ്തത്. മാര്‍ച്ചിന്റെ ഒരുക്കം നടക്കവെ അദ്ദേഹത്തിന്റെ വസതിക്ക് പുറത്തുവച്ചാണ് അറസ്റ്റ. കഴിഞ്ഞ 13ാം തിയതി മുതല്‍ അദ്ദേഹം വീട്ടുതടങ്കലിലായിരുന്നു. 1931ല്‍ രക്തസാക്ഷികളായവരുടെ 85ാം വാര്‍ഷിക വേളയില്‍ മരണപ്പെട്ടവരുടെ ശ്മശാനഭൂമിയിലേക്ക് മാര്‍ച്ച് നടത്തുന്നതിനിടെയാണ് അറസ്റ്റ്.