ന്യൂഡല്‍ഹി: റഷ്യയില്‍ നടക്കുന്ന ഗ്രനാറ്റ്കിന്‍ മെമ്മോറിയല്‍ ഫുട്‌ബോള്‍ ടൂര്‍ണമെന്റില്‍ പങ്കെടുക്കുന്ന ഇന്ത്യയുടെ അണ്ടര്‍ 19 ടീമില്‍ അഞ്ച് മലയാളി താരങ്ങള്‍ ഇടംപിടിച്ചു. മുപ്പത് അംഗ ടീമിനെ ആണ് പരിശീലകന്‍ ഫ്‌ളോയിഡ് പിന്റോ പ്രഖ്യാപിച്ചത്.
ഗോള്‍ കീപ്പര്‍ സച്ചിന്‍ സുരേഷ്, ഡിഫന്‍ഡര്‍മാരായ ഷബാസ് അഹമ്മദ്, മുഹമ്മദ് റാഫി, മധ്യനിര താരങ്ങളായ സനൂപ് ചന്ദ്രന്‍, മുഹമ്മദ് ബാസിത് എന്നിവരാണ് ടീമില്‍ ഇടംനേടിയ മലയാളി താരങ്ങള്‍. ടൂര്‍ണമെന്റിനായി ഇന്ത്യന്‍ ടീം ഉടന്‍ റഷ്യയിലേക്ക് പുറപ്പെടും.
12 ടീമുകളാണ് ടൂര്‍ണമെന്റില്‍ പങ്കെടുക്കുന്നത്. റഷ്യ, മാല്‍ഡോവ, ബള്‍ഗേറിയ എന്നിവര്‍ ഉള്‍പ്പെടുന്ന ഗ്രൂപ്പ് എയിലാണ് ഇന്ത്യ. ആദ്യ മത്സരത്തില്‍ ജൂണ്‍ നാലിന് ഇന്ത്യ റഷ്യയെ നേരിടും.