ആക്കോട് എ.എം.യു.പി സ്‌കൂള്‍ കെട്ടിടോദ്ഘാടനം നാളെ

backup

May 13 2017 | 03:05 AM

%e0%b4%86%e0%b4%95%e0%b5%8d%e0%b4%95%e0%b5%8b%e0%b4%9f%e0%b5%8d-%e0%b4%8e-%e0%b4%8e%e0%b4%82-%e0%b4%af%e0%b5%81-%e0%b4%aa%e0%b4%bf-%e0%b4%b8%e0%b5%8d%e2%80%8c%e0%b4%95%e0%b5%82%e0%b4%b3%e0%b5%8d

കൊണ്ടോട്ടി: ആക്കോട് വിരിപ്പാടം ഇസ്‌ലാമിക് സെന്ററിനു കീഴിലുള്ള എ.എം.യു.പി സ്‌കൂളിനായി പുതുതായി നിര്‍മിച്ച ഊര്‍ക്കടവ് ഖാസിം മുസ്‌ലിയാര്‍ സ്മാരക കെട്ടിടത്തിന്റെ ഉദ്ഘാടനം നാളെ വൈകിട്ട് നാലിന് പാണക്കാട് സയ്യിദ് ഹൈദരലി ശിഹാബ് തങ്ങള്‍ നിര്‍വഹിക്കും.
രണ്ടുകോടിയോളം രൂപ ചെലവിട്ടാണ് 20 സ്മാര്‍ട്ട് ക്ലാസ് മുറികളുള്ള നാലുനില കെട്ടിടം നിര്‍മിച്ചത്. ക്ലാസ് മുറികളിലും പരിസരത്തും സി.സി.ടി.വിയും സജ്ജമാക്കിയിട്ടുണ്ട്. സ്‌കൂളിനായി ഒരുക്കിയ രണ്ട് ബസുകളുടെ താക്കോല്‍ദാനവും ഇസ്‌ലാമിക് സെന്റര്‍ ഖത്തര്‍ കമ്മിറ്റി പ്രസിഡന്റ് സലീം ഹാജി ആയഞ്ചേരിയെ ആദരിക്കലും സ്ഥാപനത്തിന് കീഴിലുള്ള അനാഥ വിദ്യാര്‍ഥിയുടെ കുടുംബത്തിനുള്ള ബൈത്തുറാഹ വീടിന്റെ താക്കോല്‍ദാനവും ഹൈദരലി തങ്ങള്‍ നിര്‍വഹിക്കും.
ചടങ്ങില്‍ ഇസ്‌ലാമിക് സെന്റര്‍ പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങള്‍ അധ്യക്ഷനാകും.
ഇ.ടി മുഹമ്മദ് ബഷീര്‍ എം.പി, എം.എല്‍.എമാരായ പി.വി അന്‍വര്‍, എ. പ്രദീപ്കുമാര്‍, ജില്ലാ പഞ്ചായത്തംഗം പി.ആര്‍ രോഹില്‍നാഥ്, മലപ്പുറം ഡി.ഡി.ഇ പി. സഫറുല്ല പങ്കെടുക്കുമെന്നും സംഘാടകരായ മുസ്തഫ ഹുദവി ആക്കോട്, പി.എ ജബ്ബാര്‍ ഹാജി, സി.വി.എ കബീര്‍, ഡോ. എ.ടി ജബ്ബാര്‍ എന്നിവര്‍ വാര്‍ത്താസമ്മേളനത്തില്‍ അറിയിച്ചു.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."