അറക്കുളം : പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി സര്‍വ്വശിക്ഷ അഭിയാന്‍ ഇടുക്കിയുടെ നേതൃത്വത്തില്‍ ജില്ലാതലത്തില്‍ അറക്കുളം സെന്റ് തോസ് യു.പി സ്‌കൂളില്‍ 16 മുതല്‍ 20 വരെ  സംഘടിപ്പിക്കുന്ന  പ്രതിഭോത്സവം എന്ന പരിപാടിയുടെ വിജയകരമായ നടത്തിപ്പിനായി സ്വാഗതസംഘം രൂപീകരിച്ചു.
പൊതുവിദ്യാലയങ്ങള്‍ അവിടെ പഠിക്കുന്ന ഓരോ കുട്ടിയുടേയും കഴിവുകള്‍ കണ്ടെത്തുകയും അത് വളര്‍ത്തിയെടുക്കുകയും ചെയ്യുന്ന പ്രതിഭാകേന്ദ്രം ആക്കി മാറ്റുക എന്ന ലക്ഷ്യത്തോടെയാണ് സര്‍ക്കാര്‍ ഈ പദ്ധതി നടപ്പിലാക്കുന്നത്. സ്‌കൂള്‍ മാനേജര്‍ ഫാ. ഇമ്മാനുവേല്‍ വരിക്കമാക്കല്‍ അദ്ധ്യക്ഷത വഹിച്ച യോഗം അറക്കുളം പഞ്ചായത്ത് പ്രസിഡന്റ് ടോമി ജോസഫ് കുന്നേല്‍ ഉദ്ഘാടനം ചെയ്തു. പഞ്ചായത്ത് വൈസ് പ്രസിഡന്റ് ഉഷാ ഗോപിനാഥ്, ജില്ലാ പ്രൊജക്ട് ഓഫീസര്‍ ജോര്‍ജ്ജ് ഇഗ്നീഷ്യസ്, പഞ്ചായത്ത് അംഗങ്ങളായ സിജുമോന്‍, എ.ഡി മാത്യു അച്ചാനിക്കല്‍, പ്രൊജക്ട് ഓഫിസര്‍ ജോസി ജോസ്, എ.ഇ.ഒ കെ.വി രാജു, ബി.പി.ഒ മുരുകന്‍ വി.അയത്തില്‍, സ്‌കൂള്‍ ഹെഡ്മിസ്ട്രസ് സെലിന്‍ ജോസഫ്, പി.ടി.എ പ്രസിഡന്റ് സോയി ജോസഫ്, ആര്‍.പി കോ-ഓര്‍ഡിനേറ്റര്‍ ഷാജി തോമസ് തുടങ്ങിയവര്‍ സംസാരിച്ചു.
അറക്കുളം പഞ്ചായത്ത് പ്രസിഡന്റ് ടോമി ജോസഫ് കുന്നേല്‍ ചെയര്‍മാനായും സ്‌കൂള്‍ ഹെഡ്മിസ്ട്രസ് സെലിന്‍ ജോസഫ് ജനറല്‍ കണ്‍വീനറായും സംഘാടക സമിതിയും രൂപീകരിച്ചു.