കോട്ടയം: ജില്ലയിലെ 1700 തോക്കുടമകള്‍ക്ക് ജില്ലാ പൊലിസ് ഹെഡ് ക്വാര്‍ട്ടേഴ്‌സില്‍ വച്ച് ഇന്നുമുതല്‍ ഒരു ഓറിയന്റെഷന്‍  കോഴ്‌സ് നടത്തും.
100 പേര്‍ക്കു വീതം ഓരോ മണിക്കൂര്‍ ദൈര്‍ഘ്യമുള്ള ക്ലാസുകളാണ് നടത്തുന്നത്. തോക്കിന്റെ സ്ട്രിപ്പിംഗ് അസംബ്ലിങ്, ഉപയോഗക്രമം, നിയമകാര്യങ്ങള്‍  തുടങ്ങി എല്ലാ കാര്യങ്ങളും വിശദീകരിക്കും. തോക്കിന്റെ അശ്രദ്ധമായ ഉപയോഗം  ജീവിതം താറുമാറാക്കും എന്ന സന്ദേശം എല്ലാ തോക്കുടമകളിലും എത്തിക്കണം എന്ന ഉദ്ദേശത്തോടെയാണു പരിപാടി .
തോക്ക് അങ്ങേയറ്റം ഔചിത്യത്തോടെയും വിവേകത്തോടെയും ക്ഷമയോടെയും ഉപയോഗിക്കേണ്ട ആയുധമാണ് .
ജില്ലാ പൊലിസ് മേധാവി എന്‍. രാമചന്ദ്രനും രംഗത്തെ  വിദഗ്ധരും തോക്കുടമകകളോട് സംവദിക്കും .