ന്യൂഡല്‍ഹി: ഇന്ദിരാഗാന്ധിക്കു ശേഷം ഇന്ത്യയില്‍ ധനവകുപ്പ് കൈകാര്യം ചെയ്യുന്ന രണ്ടാമത്തെ വനിതാ മന്ത്രിയായി നിര്‍മല സീതാരാമനും. നേരത്തെ പ്രതിരോധ മന്ത്രിയായി ചുമതലയേറ്റപ്പോഴും ഇന്ദിരക്കുശേഷം ഈ വകുപ്പ് കൈകാര്യം ചെയ്യുന്ന വനിതാ മന്ത്രിയായിരുന്നു നിര്‍മലാ സീതാരാമന്‍.

മുന്‍പ്രതിരോധ മന്ത്രിയായ അവരെ കാബിനറ്റ് സുരക്ഷാ കമ്മിറ്റി അംഗമായും നിയമിച്ചിട്ടുണ്ട്. ബി.ജെ.പി അധ്യക്ഷന്‍ കൂടിയായ അമിത് ഷാ, പുതിയ പ്രതിരോധ മന്ത്രി രാജ്‌നാഥ് സിങ്, വിദേശ കാര്യമന്ത്രി എസ്. ജയശങ്കര്‍ എന്നിവരാണ് കമ്മിറ്റിയിലെ മറ്റ് അംഗങ്ങള്‍.
ഒന്നാം മോദി മന്ത്രിസഭയില്‍ റെയില്‍വേ വകുപ്പ് കൈകാര്യം ചെയ്തിരുന്ന പിയൂഷ് ഗോയലും കൃഷി വകുപ്പ് കൈകാര്യം ചെയ്തിരുന്ന നരേന്ദ്ര സിങ് തോമറും ഇത്തവണയും അവരുടെ വകുപ്പുകളില്‍ തന്നെ തിരിച്ചെത്തി. നിതിന്‍ ഗഡ്കരിക്കും അദ്ദേഹം കൈകാര്യം ചെയ്ത റോഡ് ട്രാന്‍സ്‌പോര്‍ട്ട് തന്നെയാണ് ലഭിച്ചത്.