തിരുവനന്തപുരം: തലസ്ഥാനത്ത് വീണ്ടും ഹൈടെക് എ.ടി.എം തട്ടിപ്പ്. കുറവന്‍കോണത്തെ കാനറാ ബാങ്ക് എ.ടി.എമ്മില്‍ നിന്നാണ് പണം നഷ്ടപ്പെട്ടത്. ബാങ്കിന്റെ പരാതിയെ തുടര്‍ന്ന് അന്വേഷണം നടത്തിയപ്പോഴാണ് ഹൈടെക് തട്ടിപ്പ് വ്യക്തമായത്.

അന്വേഷണത്തിന്റെ ഭാഗമായി എ.ടി.എമ്മിലെ സി.സി.ടി.വി ദൃശ്യങ്ങള്‍ പൊലിസ് ശേഖരിച്ചിട്ടുണ്ട്. പുതിയ തട്ടിപ്പ് രീതികള്‍ ഉപയോഗിച്ചാണ് പണം കവര്‍ന്നതെന്നാണ് പൊലിസ് പറയുന്നത്. പണം നഷ്ടപ്പെട്ടാലും അക്കൗണ്ട് ഉടമയ്ക്ക് മെസേജ് ലഭിക്കില്ല. മാത്രമല്ല അക്കൗണ്ടിലെ മൊത്തം ബാലന്‍സില്‍ കുറവ് കാണിക്കുകയുമില്ലത്രേ. എങ്ങനെയാണ് തട്ടിപ്പ് നടത്തിയെന്നതിനെക്കുറിച്ച് കൂടുതല്‍ വ്യക്തത വരേണ്ടതുണ്ടെന്നാണ് പൊലിസ് പറയുന്നത്.