ന്യൂഡല്‍ഹി: വെടിനിര്‍ത്തല്‍ ലംഘിച്ച് വീണ്ടും പാകിസ്താന്റെ പ്രകോപനം. ജമ്മു കശ്മീരില്‍ പാക് വെടിവയ്പ്പിനിടെ ബി.എസ്.എഫ് ജവാന് പരുക്കേറ്റു.ഇന്നലെ രാവിലെ ഏഴിന് അര്‍നിയയിലുണ്ടായ വെടിവയപ്പിലാണ് സൈനികനു പരുക്കേറ്റത്. എന്നാല്‍ ഉടന്‍ തന്നെ പാക് സൈന്യത്തിന് ബി.എസ്.എഫ് ശക്തമായ തിരിച്ചടി നല്‍കിയിട്ടുണ്ട്. കഴിഞ്ഞ ദിവസം നോഷേറയില്‍ പാകിസ്താന്‍ നടത്തിയ വെടിവയ്പ്പില്‍ കശ്മിരിലെ ഒരു യുവതി കൊല്ലപ്പെട്ടിരുന്നു.