ആലക്കോട്: നടുവിലില്‍ സി.പി.എം പ്രവര്‍ത്തകന് വെട്ടേറ്റു. നടുവില്‍ സ്വദേശിയും മല്‍സ്യ തൊഴിലാളിയുമായ അമ്പഴത്തിനാല്‍ പ്രജീഷ് (21)നാണ് വെട്ടേറ്റത്.തലക്കും, പിന്നിലും പരുക്കേറ്റ പ്രജീഷിനെ തളിപ്പറമ്പിലെ സ്വകാര്യ ആശുപത്രിയില്‍ പ്രവേശിപ്പിച്ചു. ചൊവ്വാഴച രാത്രി 10 മണിയോടെയാണ് അക്രമണം. നടുവില്‍ ടൗണില്‍ മീന്‍ വില്‍പന നടത്തുന്ന പ്രജീഷിനെ ജോലി സ്ഥലത്ത് വെച്ച് ഒരു സംഘം അക്രമിക്കുകയായിരുന്നു എന്നാണ് പ്രജീഷിന്റെ പരാതി. ഇവരുടെ അക്രമണത്തില്‍ നിന്നും രക്ഷപ്പെട്ട് ബൈക്കുമെടുത്ത് പോകവേ സംഘം പിന്തുടര്‍ന്ന് അക്രമിച്ചതായും പരാതിയുണ്ട്. സ്ഥലത്ത് വന്‍ പൊലിസ് സംഘം ക്യാംപ് ചെയ്യുന്നുണ്ട്.