ന്യൂഡല്‍ഹി: കോടതിയലക്ഷ്യക്കേസില്‍ സുപ്രിം കോടതിക്കെതിരേ രാഷ്ട്രപതിയെ സമീപിച്ചിരിക്കുകയാണ് ജസ്റ്റിസ് സി.എസ് കര്‍ണന്‍. തനിക്ക് തടവുശിക്ഷ വിധിച്ച് ഇംപീച്ച് ചെയ്യാനാണ് സുപ്രിം കോടതി ശ്രമമെന്ന് കാണിച്ചാണ് കര്‍ണന്‍ രാഷ്ട്രപതിയെ സമീപിച്ചത്. കോടതീയലക്ഷ്യ കേസില്‍ സുപ്രിം കോടതി വിധിച്ച ശിക്ഷയ്ക്ക് നിയമസാധുതയില്ലെന്നും ഉത്തരവ് പിന്‍വലിക്കണമെന്നുമുള്ള ഹരജികള്‍ സുപ്രിം കോടതിയില്‍ ഫയല്‍ ചെയ്ത് നിയമപോരാട്ടം തുടരാനാണ് കര്‍ണന്റെ തീരുമാനം.

കോടതീയലക്ഷ്യത്തിന് കര്‍ണന്‍ മാപ്പു പറയില്ലെന്ന് അദ്ദേഹത്തിന്റെ അഭിഭാഷകന്‍ പറഞ്ഞു. കോടതികളെയോ വിധിയെയോ കര്‍ണന്‍ വിമര്‍ശിച്ചിട്ടില്ല. ചില ജഡ്ജിമാരെ വ്യക്തിപരമായാണ് വിമര്‍ശിച്ചത്. ഇതിനെതിരേ ജഡ്ജിമാര്‍ക്ക് നിയമനടപടിക്ക് പോകാമെന്നും അദ്ദേഹത്തിന്റെ അഭിഭാഷകന്‍ പറഞ്ഞു.

ആറു മാസത്തെ തടവുശിക്ഷയാണ് കര്‍ണനു സുപ്രിം കോടതി വിധിച്ചത്. എന്നാല്‍, വിധിക്കു ശേഷം ഒളിവില്‍ പോയ കര്‍ണനെ പിടികൂടാന്‍ പൊലിസിനായിട്ടില്ല.