കൊച്ചി: നടന്‍ വിനായകന്‍ ഫോണിലൂടെ ലൈംഗിക ചുവയോടെ സംസാരിച്ചെന്ന ആരോപണവുമായി ദലിത് ആക്ടിവിസ്റ്റ് മൃദുലാദേവി. തന്റെ ഫേസ് ബുക്ക് പേജിലൂടെയാണ് മൃദുല വിനായകനെതിരേ ആരോപണമുന്നയിച്ചത്. ആക്രമിക്കപ്പെട്ട നടിക്കൊപ്പം നിലകൊണ്ട വിനായകനോട് ബഹുമാനമായിരുന്നു. എന്നാല്‍ യഥാര്‍ഥ ജീവിതത്തില്‍ അദ്ദേഹം സ്ത്രീ വിരുദ്ധത കാണിച്ചത് ബോധ്യപ്പെട്ടിട്ടുണ്ടെന്നു പറഞ്ഞായിരുന്നു മൃദുലയുടെ വെളിപ്പെടുത്തല്‍. പരിപാടിക്ക് വിളിച്ച തന്നോട് കൂടെ കിടക്കാമോ എന്ന് ചോദിച്ച വിനായകനോട് യാതൊരു ബഹുമാനവുമില്ലെന്നും കോള്‍ റെക്കോഡ് സൂക്ഷിച്ചിട്ടുണ്ടെന്നും മൃദുല പറയുന്നു.
വിനായകന്‍ മോശമായി സംസാരിച്ചെന്ന് ദലിത് ആക്ടിവിസ്റ്റും വിദ്യാര്‍ഥിയുമായ ദിനു വെയിലും ആരോപിച്ചു. മൃദുലയുടെ പോസ്റ്റിനു താഴെയായിരുന്നു ദിനുവിന്റെ ആരോപണം.