എരുമപ്പെട്ടി: പീഡനത്തിനിരയായ പെണ്‍കുട്ടിയുടെ കുടുംബത്തെ പ്രതിയുടെ ബന്ധുക്കള്‍ ഭീഷണിപ്പെടുത്തുന്നതായി പരാതി.
പ്രണയം നടിച്ച് വശത്താക്കി മൊബൈല്‍ ഫോണില്‍ നഗ്നചിത്രം പകര്‍ത്തി വിദ്യാര്‍ഥിനിയെ ഭീഷണിപ്പെടുത്തി പീഡിപ്പിച്ച സംഭവത്തില്‍ പാറേംപാടം കൊങ്ങണൂര്‍ സ്വദേശിയായ കണ്ണന്‍ എന്ന കൃഷ്ണപ്രസാദിനെ കുന്നംകുളം സി.ഐ രാജേഷ് കെ മേനോന്‍ അറസ്റ്റ് ചെയ്തിരുന്നു. പോക്‌സോ നിയമപ്രകാരം കേസെടുത്ത് കോടതിയില്‍ ഹാജരാക്കിയ പ്രതി റിമാന്‍ഡിലാവുകയും ചെയ്തിരുന്നു. എന്നാല്‍ പരാതി നല്‍കിയ വിരോധത്താല്‍ പ്രതിയുടെ ബന്ധുക്കളില്‍ ചിലര്‍ പെണ്‍കുട്ടിയേയും കുടുംബത്തേയും ഭീഷണിപ്പെടുത്തുകയാണ്. കുന്നംകുളം സി.ഐ എരുമപ്പെട്ടി എസ്.ഐ എന്നിവര്‍ക്കാണ് പെണ്‍കുട്ടിയുടെ പിതാവ് പരാതി നല്‍കിയിട്ടുള്ളത്.