വടക്കാഞ്ചേരി: സംസ്ഥാന ജില്ലാതല നാഷനല്‍ സര്‍വിസ് സ്‌കീം യൂനിറ്റുകള്‍ക്കും, പ്രോഗ്രാം ഓഫിസര്‍മാര്‍ക്കുമുള്ള അവാര്‍ഡുകള്‍ പ്രഖ്യാപിച്ചപ്പോള്‍ വടക്കാഞ്ചേരി ഗവണ്‍മെന്റ് ഹയര്‍ സെക്കന്ററി സ്‌കൂളിന് ഇരട്ടി മധുരം. ജില്ലാ തലത്തില്‍ മികച്ച എന്‍.എസ്.എസ് യൂനിറ്റായി വടക്കാഞ്ചേരി സ്‌കൂള്‍ തിരഞ്ഞെടുക്കപ്പെട്ടതിന് പുറമെ പ്രോഗ്രാം ഓഫിസര്‍ക്കുള്ള പുരസ്‌കാരവും വടക്കാഞ്ചേരിക്ക് ലഭിച്ചു.
എങ്കക്കാട് സ്വദേശി  പി.വി വേണുഗോപാലാണ് പ്രോഗ്രാം ഓഫിസറായി തിരഞ്ഞെടുക്കപ്പെട്ടത്. അധ്യാപക വൃത്തിയോടൊപ്പം വടക്കാഞ്ചേരിയുടെ സാമൂഹ്യ സാംസ്‌കാരിക മേഖലയിലും നിറസാന്നിധ്യമാണ് വേണുഗോപാല്‍.