നിലമ്പൂര്‍: ഈ വര്‍ഷത്തെ ഹജ്ജ് കര്‍മത്തിന് സര്‍ക്കാര്‍ മുഖേന തെരഞ്ഞെടുത്തവര്‍ക്കുള്ള നിലമ്പൂര്‍, വണ്ടൂര്‍ മണ്ഡലങ്ങളിലെ ഹാജിമാര്‍ക്ക് രണ്ടാംഘട്ട സാങ്കേതിക പഠന ക്ലാസും, മെഡിക്കല്‍ ക്യാംപും നിലമ്പൂര്‍ പീവീസ് ഓഡിറ്റോറിയത്തില്‍ നടന്നു.
പഠന ക്ലാസ് പി.വി അന്‍വര്‍ എം.എല്‍.എയും മെഡിക്കല്‍ ക്യാംപ് പി.വി അബ്ദുല്‍ വഹാബ് എം.പിയും ഉദ്ഘാടനം ചെയ്തു. മെഡിക്കല്‍ ക്യാംപിന് മഞ്ചേരി മെഡിക്കല്‍ കോളജിലെ ഡോ. അബ്ദുസമദ് നേതൃത്വം നല്‍കി. ഹജ്ജ് അസി. സെക്രട്ടറി ടി.കെ അബ്ദുറഹ്മാന്‍, കോഡിനേറ്റര്‍ ഷാജഹാന്‍, ജില്ലാ ട്രെയ്‌നര്‍ കണ്ണിയന്‍ മുഹമ്മദാലി പങ്കെടുത്തു. ജില്ലാ അഡീഷണല്‍ ട്രെയ്‌നര്‍ ടി.പി അഹമ്മദ് സലീം ക്ലാസിന് നേതൃത്വം നല്‍കി.
മണ്ഡലം ട്രെയിനര്‍മാരായ എ.കെ മുഹമ്മദ് അശ്‌റഫ്, കെ. കബീര്‍, കെ.എം അബൂബക്കര്‍, മാനുഹാജി, മുഹമ്മദ് മാസ്റ്റര്‍, അബ്ദുല്‍ഹമീദ്, മറിയ തുടങ്ങിയവര്‍ സംസാരിച്ചു.