കൊടുവള്ളി: കുടിനീരിനായി നമുക്ക് കൈകോര്‍ക്കാം തെളിനീരിനായി നമുക്ക് കാതോര്‍ക്കാം എന്ന പ്രമേയവുമായി കൊടുവള്ളി നഗരസഭയിലെ എരഞ്ഞോണ ഡിവിഷനില്‍ സമഗ്ര മഴവെള്ള സംഭരണ യജ്ഞം തുടങ്ങി. ഡിവിഷനില്‍ പൂര്‍ണമായും കുടിവെള്ള ക്ഷാമം ഇല്ലാതാക്കുകയാണ് പദ്ധതിയുടെ ലക്ഷ്യം.
കാരാട്ട് റസാഖ് എം.എല്‍.എ. ഉദ്ഘാടനം ചെയ്തു. ഡിവിഷന്‍ കൗണ്‍സിലര്‍ ഷാന നൗഷാജ് അധ്യക്ഷയായി. അബ്ദു അരീക്കോട് ബോധവല്‍ക്കരണ ക്ലാസെടുത്തു. കൗണ്‍സിലര്‍ സലീന മുഹമ്മദ്, കെ.പി  അശോകന്‍, ഒ.ടി സുലൈമാന്‍, നൗഷാജ് എരഞ്ഞോണ എ.പി ഹുസ്സയിന്‍ഹാജി, കെ.കെ സുലൈഖ, വി. ഷിജികുമാര്‍, ഒ. രാമചന്ദ്രന്‍ ,ഇ.കെ മുഹമ്മദ്, ഇ.കെ മൂസ സംസാരിച്ചു.