തൊടുപുഴ:  തൊടുപുഴ ഫിലിം  സൊസൈറ്റി അനുമോദന സദസ് സംഘടിപ്പിച്ചു. നൂറ് സിനിമകള്‍ പിന്നിട്ട  ലൊക്കേഷന്‍ മാനേജര്‍ ദാസ് തൊടുപുഴ, സംസ്ഥാന സര്‍ക്കാരിന്റെ 'വനമിത്ര'  പുരസ്‌കാര ജേതാവ് എന്‍ രവീന്ദ്രന്‍, മികച്ച ഹോം ലൈബ്രറിക്കുള്ള അവാര്‍ഡ്  നേടിയ രാജേന്ദ്രന്‍ പോത്തനാശേരില്‍, മഹാത്മ ഫൂലെ എക്‌സലന്‍സ് അവാര്‍ഡ് നേടിയ  സുകുമാര്‍ അരിക്കുഴ, തുമ്പികളെക്കുറിച്ച് ഡോക്യുമെന്ററി നിര്‍മിച്ച  ജോര്‍ഡിന്‍ മാത്യു എന്നിവരെയാണ് അനുമോദിച്ചത്. തൊടുപുഴ പ്രസ് ക്ലബ്  ഹാളില്‍ നടന്ന ചടങ്ങില്‍ യു.എ രാജന്ദ്രന്‍ അധ്യക്ഷനായി. ഫിലിം സൊസൈറ്റി  സെക്രട്ടറി എം.എം മഞ്ജുഹാസന്‍, ജോയിന്റ് സെക്രട്ടറി വി.വി രമേഷ്, അഖില്‍  ശശിധരന്‍ എന്നിവര്‍ സംസാരിച്ചു.