മാഹിനാബാദ്(കാസര്‍കോട്): സമസ്ത കേരള ജംഇയ്യത്തുല്‍ മുഅല്ലിമീന്‍ സംസ്ഥാനതല ഇസ്‌ലാമിക് കലാമേളയില്‍ മുഅല്ലിം വിഭാഗം മത്സരത്തില്‍ ഓവറോള്‍ കിരീടം മലപ്പുറം ഈസ്റ്റില്‍ നിന്നും മലപ്പുറം വെസ്റ്റ് പിടിച്ചെടുത്തു. കഴിഞ്ഞ വര്‍ഷം മുഅല്ലിം വിഭാഗം കിരീടം മലപ്പുറം ഈസ്റ്റിനായിരുന്നു. എന്നാല്‍ ഈ വര്‍ഷം കനത്ത മത്സരം കാഴ്ച വച്ച് മലപ്പുറം വെസ്റ്റ് കിരീടം പിടിച്ചെടുക്കുകയായിരുന്നു.
മാഹിനാബാദില്‍ സി.എം ഉസ്താദ് നഗറില്‍ നടന്ന കലാമേളയില്‍ വിദ്യാര്‍ഥികളുടെ മത്സരത്തില്‍ മലപ്പുറം ഈസ്റ്റ് കിരീടം ഉറപ്പിച്ചപ്പോള്‍, മലപ്പുറം വെസ്റ്റ് മുഅല്ലിം വിഭാഗത്തിലെ ഓവറോള്‍ കിരീടവും, വിദ്യാര്‍ഥി വിഭാഗത്തില്‍ മൂന്നാം സ്ഥാനവും കരസ്ഥമാക്കി.
ആതിഥേയ ജില്ലയായ കാസര്‍കോട് വിദ്യാര്‍ഥി വിഭാഗത്തില്‍ രണ്ടാം സ്ഥാനവും കരസ്ഥമാക്കി.