ചണ്ഡിഗഡ്: അതിര്‍ത്തി വഴി രാജ്യത്തേക്ക് നുഴഞ്ഞുകയറാന്‍ ശ്രമിച്ച പാക് വനിതയെ ബി.എസ്.എഫ് വെടിവച്ചുകൊന്നു.
പഞ്ചാബിലെ ഗുരുദാസ്പൂര്‍ ജില്ല വഴിയാണ് 60 കാരി നുഴഞ്ഞുകയറാന്‍ ശ്രമിച്ചതെന്നാണ് ബി.എസ്.എഫ് നല്‍കുന്ന വിശദീകരണം.
അതിര്‍ത്തിയിലെ ബരിയാല്‍ സൈനിക പോസ്റ്റിനടുത്തുകൂടെ അതിര്‍ത്തിയില്‍ സ്ഥാപിച്ച കമ്പിവേലി വകഞ്ഞുമാറ്റിയാണ് ഇവര്‍ രാജ്യത്തേക്ക് കടക്കാന്‍ ശ്രമിച്ചതെന്ന് സൈന്യം അറിയിച്ചു. ഇന്നലെ പുലര്‍ച്ചെ മൂന്നോടെയായിരുന്നു നുഴഞ്ഞുകയറ്റ ശ്രമം. അതിര്‍ത്തിയില്‍ എത്തിയ ഇവരെ കൊലപ്പെടുത്തിയ ശേഷമാണ് സ്ത്രീയാണെന്ന് തിരിച്ചറിയാനായതെന്ന് ബി.എസ്.എഫ് വക്താവ് അറിയിച്ചു.
ഇന്ത്യാ-പാക് സേനകള്‍ തമ്മില്‍ വൈകിട്ട് നടന്ന ഫ്‌ളാഗ് മീറ്റിങ്ങില്‍ കൊല്ലപ്പെട്ട സ്ത്രീയുടെ ഫോട്ടോ കൈമാറിയതായി ബി.എസ്.എഫ് അറിയിച്ചു.