എരുമേലി:വര്‍ഗീയതക്കെതിരെ നാടുണ ര്‍ത്താന്‍,ഭരണത്തകര്‍ച്ചക്കെതിരെ മനസുണര്‍ത്താന്‍ എന്ന മുദ്രാവാക്യവുമായി യൂത്ത് കോണ്‍ഗ്രസ് സംസ്ഥാന പ്രസിഡന്റ് ഡീന്‍കുര്യാക്കോസ് നയിക്കുന്ന യൂത്ത് മാര്‍ച്ചിന് സ്വീകരണവും യൂത്ത് കോണ്‍ഗ്രസ് പൂഞ്ഞാര്‍ നിയോജക മണ്ഡലം റാലിയും പൊതുസമ്മേളനവും ഇന്ന് എരുമേലിയില്‍ നടക്കും.
വൈകിട്ട് അഞ്ചിന് നടക്കുന്ന പൊതുയോഗത്തില്‍ യൂത്ത് കോണ്‍ഗ്രസ് നിയോജകമണ്ഡലം പ്രസിഡന്റ് ബിനു മറ്റക്കര അധ്യക്ഷനാവും .ഐ.എന്‍.സി രാഷ്ട്രീയ കാര്യ സമിതി അംഗം ഷാനിമോള്‍ ഉസ്മാന്‍ ഉദ്ഘാടനം ചെയ്യും. ആന്റോ ആന്റണി എം പി, ഡീന്‍കുര്യാക്കോസ്,ജോഷി ഫിലിപ്പ്,അഡ്വ. പി.എ സലീം തുടങ്ങിയവര്‍ സംസാരിക്കും.
നാലിന് കെ.എസ് .ആര്‍.ടി.സി ജങ്ഷനില്‍ നിന്ന് ആരംഭിക്കുന്ന റാലിയില്‍ ആയിരത്തോളം യുവജനങ്ങള്‍ പങ്കെടുക്കുമെന്ന് നിയോജകമണ്ഡലം പ്രസിഡന്റ് ബിനു മറ്റക്കര,നിയോജകമണ്ഡലം ജനറല്‍ സെക്രട്ടറിമാരായ ദിഗീഷ് എരുമേലി, ഫസീം ചുടുകാട്ടില്‍ എന്നിവര്‍ പത്രസമ്മേളനത്തില്‍ പറഞ്ഞു.