മലപ്പുറം: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ഇക്കഴിഞ്ഞ വര്‍ഷം നടത്തിയ പൊതു പരീക്ഷകളില്‍ ടോപ് പ്ലസ് നേടിയ വിദ്യാര്‍ഥികള്‍ക്കുള്ള അവാര്‍ഡ് ദാനവും അനുമോദനവും ജില്ലയിലെ രണ്ട് കേന്ദ്രങ്ങളിലായി നടന്നു.
നിലമ്പൂര്‍, കാളികാവ്, പെരിന്തല്‍മണ്ണ, മഞ്ചേരി മേഖലകളിലെ 219 വിദ്യാര്‍ഥികള്‍ക്ക് വണ്ടൂര്‍ ചെറുകോട് അല്‍ഹിദായ യതീംഖാന കാംപസില്‍വച്ച് അവാര്‍ഡുകള്‍ വിതരണം ചെയ്തു. സമസ്ത ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍ ഉദ്ഘാടനം ചെയ്തു. ജംഇയ്യത്തുല്‍ മുഅല്ലിമീന്‍ ഈസ്റ്റ് ജില്ലാ പ്രസിഡന്റ് പി.ഹസന്‍ മുസ്്‌ലിയാര്‍ അധ്യക്ഷനായി. സയ്യിദ് സാബിഖലി ശിഹാബ് തങ്ങള്‍ ഉപഹാര സമര്‍പ്പണം നടത്തി. കെ.ടി കുഞ്ഞിമാന്‍ ഹാജി, സലീം എടക്കര, ഇബ്രാഹീം ഫൈസി തിരൂര്‍ക്കാട്, എന്‍.ടി.സി മജീദ്, ടി.കെ മുസ്തഫ ഫൈസി, വി. ഹുസൈന്‍ ഫൈസി സംസാരിച്ചു.
എടവണ്ണപ്പാറ, കൊണ്ടോട്ടി, മലപ്പുറം, കൊളത്തൂര്‍ മേഖലകളിലെ 265 വിദ്യാര്‍ഥികള്‍ക്ക് മലപ്പുറം സുന്നി മഹലില്‍വച്ച് അവാര്‍ഡ് നല്‍കി. സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജനറല്‍ സെക്രട്ടറി എം.ടി അബ്ദുല്ല മുസ്‌ലിയാര്‍ ഉദ്ഘാടനം ചെയ്തു. സമസ്ത മദ്‌റസ മാനേജ്‌മെന്റ് അസോസിയേഷന്‍ ജില്ലാ പ്രസിഡന്റ് സയ്യിദ് സാബിഖലി ശിഹാബ് തങ്ങള്‍ അധ്യക്ഷനായി.
സയ്യിദ് ബി.എസ്.കെ തങ്ങള്‍ എടവണ്ണപ്പാറ പ്രാര്‍ഥന നടത്തി. പി. ഉബൈദുല്ല എം.എല്‍.എ ഉപഹാര സമര്‍പ്പണം നടത്തി. സമസ്ത വിദ്യാഭ്യാസ ബോര്‍ഡ് മാനേജര്‍ കെ. മോയിന്‍ കുട്ടി മാസ്റ്റര്‍ കാഷ് അവാര്‍ഡ് വിതരണം ചെയ്തു. പുത്തനഴി മൊയ്തീന്‍ ഫൈസി, ഇസ്മാഈല്‍ കുഞ്ഞു ഹാജി, കാളാവ് സൈതലവി മുസ്‌ലിയാര്‍, ഹസന്‍ സഖാഫി പൂക്കോട്ടൂര്‍, എം.പി മുഹമ്മദ് മുസ്‌ലിയാര്‍ കടുങ്ങല്ലൂര്‍, ഷാഹുല്‍ ഹമീദ് മേല്‍മുറി, പി.കെ ലത്തീഫ് ഫൈസി സംസാരിച്ചു.