പാരിസ്: ഫ്രാന്‍സിലെ നൊര്‍മാന്റിയിലെ ക്രിസ്ത്യന്‍ പള്ളിയില്‍ ആക്രമണം. ആക്രമണത്തില്‍ പുരോഹിതനടക്കം മൂന്നു പേര്‍ കൊല്ലപ്പെട്ടതായി പൊലിസ് അറിയിച്ചു. കഠാരയുമായി പള്ളിയിലേക്ക് കയറിയ രണ്ടു ആക്രമികള്‍ പള്ളിയിലുണ്ടായിരുന്ന പുരോഹിതനും രണ്ടു കന്യാസ്ത്രീകളുമടക്കം ആറു പേരെ ബന്ദികളാക്കി. ബന്ദികളുമായുള്ള ഏറ്റുമുട്ടലില്‍ ദേവലയത്തിലെ പുരോഹിതനും ബന്ദികളും കൊല്ലപ്പെട്ടു. എന്നാല്‍, പുരോഹിതനെ ബന്ദികള്‍ കഴുത്തറുത്ത് കൊന്നതായാണ് റിപ്പോര്‍ട്ടുകളുണ്ട്. ആക്രമണത്തിനു പിന്നിലെ കാരണമെന്തെന്ന് വ്യക്തമായിട്ടില്ല.

കഴിഞ്ഞ ദിവസം നീസിലുണ്ടായ ഭീകരാക്രമണത്തിന്റെ അലയൊലികള്‍ കെട്ടടങ്ങും മുമ്പാണ് വീണ്ടും ആക്രമണമുണ്ടായത്. ആഘോഷ പരിപാടക്കിടെയുണ്ടായ ആക്രമണത്തില്‍ അന്ന് 84 പേരാണ് കൊല്ലപ്പെട്ടത്. ആഘോഷപരിപാടിയില്‍ പങ്കെടുത്ത ജനങ്ങള്‍ക്കിടയിലേക്ക് ആക്രമി ട്രാക്ക് ഓടിച്ചു കയറ്റുകയായിരുന്നു.