കാസര്‍കോട്: കേരള പി.എസ്.സി റിസര്‍ച്ച് ആന്റ് അനാലിസിസ് വിങ് അക്ഷയ സംരംഭകര്‍ക്കായി സംഘടിപ്പിച്ച ഏകദിന പരിശീലന പരിപാടി പി.എസ്.സി അംഗം ഇ. രവീന്ദ്രനാഥന്‍ ഉദ്ഘാടനം ചെയ്തു. പി.എസ്.സി ഒറ്റത്തവണ രജിസ്‌ട്രേഷനിലെ നിസാരപിഴവ് പോലും ജോലി നഷ്ടപ്പെടാന്‍ കാരണമാകുമെന്ന് അദ്ദേഹം പറഞ്ഞു. ആവശ്യമായ യോഗ്യതകള്‍ ഉണ്ടായിട്ടുപോലും ഒറ്റത്തവണ രജിസ്‌ട്രേഷനിലെ പിഴവുകള്‍ മൂലം നിരവധി ഉദ്യോഗാര്‍ഥികള്‍ക്ക് ജോലി ലഭിക്കാതെ പോകുന്നുണ്ട്. അത്തരം പിഴവുകള്‍ ഒഴിവാക്കുന്നതിന്റെ ഭാഗമായാണ് ഇത്തരത്തിലുള്ള പരിശീലന പരിപാടികള്‍ നടത്തുന്നത്. ജില്ലാ ആസൂത്രണ സമിതി ഹാളില്‍ സംഘടിപ്പിച്ച പരിപാടിയില്‍ പി.എസ്.സി ജോയിന്റ് സെക്രട്ടറി കെ.പി തങ്കമണിയമ്മ അധ്യക്ഷയായി.
ജില്ലാ കലക്ടര്‍ കെ. ജീവന്‍ ബാബു, ആര്‍.ഡി.ഒ പി.കെ ജയശ്രീ, ജില്ലാ പ്ലാനിങ് ഓഫിസര്‍ കെ.എം സുരേഷ്, റെജു ടോം ലാല്‍, പി. ശ്രീരാജ്, പി. ഉല്ലാസന്‍, ആര്‍. മനോജ്, സുനില്‍ കുമാര്‍, എസ്. ബിജു, എസ്.ആര്‍ സജു സംസാരിച്ചു.