കമ്പളക്കാട്: ഇസ്സത്തുല്‍ ഇസ്്‌ലാം സംഘം മുളപറമ്പ് ഏരിയാ കമ്മിറ്റിയുടെ കീഴില്‍ ഇന്ന് രാവിലെ ഒന്‍പതിന് സമ്പൂര്‍ണ കുടുംബ സംഗമം എടത്തില്‍ ഹസന്‍ മുസ്്‌ലിയാര്‍ നഗറില്‍ സംഘടിപ്പിക്കും.
കോഴിക്കോട് വലിയ ഖാസി അബ്ദുല്‍ നാസര്‍ഹയ്യ് തങ്ങള്‍ ഉദ്ഘാടനം ചെയ്യും. കെ.കെ അഹമ്മദ് ഹാജി അധ്യക്ഷനാവും. ആബിദ് ഹുദവി തച്ചണ്ണ പ്രഭാഷണം നടത്തും. തുടര്‍ന്ന് ആരോഗ്യ സെമിനാര്‍ നടക്കും. ഡോ. ദാഹിര്‍ മുഹമ്മദ് വിഷയാവതരണം നടത്തും. തുടര്‍ന്ന് നടക്കുന്ന ഫാമിലി കൗണ്‍സിലിംഗിന് റാഷിദ് ഗസ്സാലി കൂളിവയല്‍ നേതൃത്വം നല്‍കും. സംഗമത്തിന്റെ ഭാഗമായി നടക്കുന്ന വിദ്യഭ്യാസ സെമിനാറില്‍ ഡോ. കെ ബാവ പാലുകുന്ന് വിഷയാവതരണം നടത്തും. വയോജന സംഗമത്തില്‍ മുജീബ് ഫൈസി പോരൂര്‍ പ്രഭാഷണം നടത്തും. പ്രാര്‍ഥനാ സംഗമത്തിന് ആനമങ്ങാട് അഹമ്മദ്കുട്ടി ഫൈസി പെരിന്തല്‍മണ്ണ നേതൃത്വം നല്‍കും.