വെള്ളിക്കുളങ്ങര: നാര്‍ക്കോട്ടിക് സെല്ലിന്റെയും വെള്ളിക്കുളങ്ങര ജനമൈത്രി പൊലിസിന്റെയും സംയക്താഭിമുഖ്യത്തില്‍ ചായ്പന്‍കുഴി ഗവ. ഹയര്‍ സെക്കന്‍ഡറി സ്‌കൂളില്‍ ലഹരിവിരുദ്ധ ബോധവല്‍കരണ ക്ലാസ് സംഘടിപ്പിച്ചു. കൊടകര പൊലിസ് സര്‍ക്കിള്‍ ഇന്‍സ്‌പെക്ടര്‍ കെ.സുമേഷ് ഉദ്ഘാടനം ചെയ്തു.
വെള്ളിക്കുളങ്ങര എസ്.ഐ എം.ബി സിബിന്‍ അധ്യക്ഷനായി. എക്‌സൈസ് ഇന്‍സ്‌പെക്ടര്‍ പി.എം മുഹമ്മദ് റിയാസ് ബോധവല്‍കരണ ക്ലാസ് നയിച്ചു.
അഡീഷണല്‍ എസ്.ഐ വി.എസ് വത്സകുമാര്‍, സ്‌കൂള്‍ പ്രിന്‍സിപ്പാള്‍ ഇന്ദു, പ്രധാനധ്യാപിക ഫാത്തിമ, ഹക്കീം കളിപറമ്പില്‍, പി.ടി.എ പ്രസിഡന്റ് സ്റ്റാന്‍ലി, എം.മുരളി സംസാരിച്ചു.