മോസ്‌കോ: റഷ്യയില്‍ നടക്കുന്ന അണ്ടര്‍ 19 ഫുട്‌ബോള്‍ ടൂര്‍ണമെന്റില്‍ ഇന്ത്യന്‍ ടീമിന് വീണ്ടും തോല്‍വി. ടൂര്‍ണമെന്റിലെ അവസാന പ്ലേ ഓഫ് മത്സരത്തിലാണ് ഇന്ത്യ പരാജയപ്പെട്ടത്. താജിക്കിസ്ഥാനോടാണ് എതിരില്ലാത്ത ഒരു ഗോളിന് ഇന്ത്യ പരാജയപ്പെട്ടത്.
ഇതോടെ ടൂര്‍ണമെന്റില്‍ 12ാം സ്ഥാനത്ത് ഫിനിഷ് ചെയ്യാനേ ഇന്ത്യക്ക് ആയുള്ളു. റഷ്യയില്‍ അഞ്ചു മത്സരങ്ങള്‍ കളിച്ച ഇന്ത്യക്ക് ഒരു ജയം പോലും സ്വന്തമാക്കാനായില്ല. ഒരു മത്സരത്തില്‍ ബള്‍ഗേറിയക്കെതിരേ സമനില നേടിയതൊഴിച്ചാല്‍ ബാക്കി എല്ലാ മത്സരങ്ങളിലും തോല്‍വിയായിരുന്നു ഫലം.