തൃശൂര്‍: മദ്യലഹരിയില്‍ ബൈക്കോടിച്ച് വീടിന്റെ ഗേറ്റും മതിലും തകര്‍ത്ത ആന പാപ്പാനെ നാട്ടുകാര്‍ പിടികൂടി പൊലിസില്‍ ഏല്‍പ്പിച്ചു. കൊല്ലം പാരിപ്പിള്ളി ലക്ഷം വീട് കോളനിയില്‍ സുധാകരന്റെ മകന്‍ പ്രസാദി(19)നെയാണ് പന്തല്ലൂരില്‍ നിന്ന് നാട്ടുകാര്‍ പിടികൂടി പൊലിസില്‍ ഏല്‍പ്പിച്ചത്. ചൊവ്വാഴ്ച്ച ഉച്ചതിരിഞ്ഞാണ് സംഭവം. കുന്നംകുളം കണ്ണന്‍ എന്ന ആനയുടെ പാപ്പാനായ പ്രസാദ് ആനയ്ക്കുള്ള പനംപട്ട അന്വേഷിച്ചാണ് പന്തല്ലൂരിലെത്തിയത്.
മദ്യലഹരിയില്‍ നിയന്ത്രണം വിട്ട ബൈക്ക് സ്വകാര്യ വ്യക്തിയുടെ വീട്ടുമതിലിലും ഗേറ്റിലും ഇടിക്കുകയായിരുന്നു. മദ്യപിച്ച് വാഹനമോടിച്ചതിനും നാശനഷ്ടമുണ്ടാക്കിയതിനും ഇയാള്‍ക്കെതിരേ കേസെടുത്തു.