റിയാദ്: കെഎംസിസി മടവൂര്‍ പഞ്ചായത്ത് കമ്മിറ്റി സുലൈ ഖാഇദേമില്ലത്ത് നഗറില്‍ ഹരിതം 2020 പ്രവര്‍ത്തക സംഗമവും ഇശല്‍ സന്ധ്യയും സംഘടിപ്പിച്ചു. പ്രസിഡന്‍റ് ലത്തീഫ് മടവൂരിന്‍റെ അദ്ധ്യക്ഷതയില്‍ ആരംഭിച്ച പ്രവര്‍ത്തക സംഗമം റിയാദ് കെഎംസിസി കോഴിക്കോട് ജില്ലാ പ്രസിഡന്‍റ് അഷ്റഫ് അച്ചൂര്‍ ഉല്‍ഘാടനം ചെയ്തു. ജില്ലാ ട്രഷറര്‍ ജാഫര്‍ പുത്തൂര്‍ മഠം 'മുസ്ലിം ലീഗ് വര്‍ത്തമാന കാല ദര്‍പ്പണത്തില്‍' എന്ന വിഷയം അവതരിപ്പിച്ചു.

സിദ്ധീഖ് കുറൂളി പ്രവര്‍ത്തന റിപ്പോര്‍ട്ട് അവതരിപ്പിച്ചു.ജില്ലാ വൈസ് പ്രസിഡന്‍റ് നജീബ് നെല്ലാങ്കണ്ടി,മണ്ഡലം ആക്ടിംങ് പ്രസിഡന്‍റ് സുഹൈല്‍ അമ്പലക്കണ്ടി ,മുജീബ് മൂത്താട്ട് ,ഫിറോസ് ,നസീം,നിയാസ് രാംപൊയില്‍ ,റാസിഖ് മടവൂര്‍ ,സിദ്ദീഖലി മടവൂര്‍ എന്നിവര്‍ സംസാരിച്ചു . ജനറല്‍ സിക്രട്ടറി സിദ്ദീഖ് എടത്തില്‍ സ്വാഗതവും ഷറഫു താഴെ പൊയില്‍ നന്ദിയും പറഞ്ഞു. ഷരീഫ് മുട്ടാഞ്ചേരി ഖിറാഅത്ത് നടത്തി.
 തുടര്‍ന്ന് നടന്ന ഇശല്‍ നൈറ്റും കമ്പ വലിയും പരിപാടിക്ക് മാറ്റ് കൂട്ടി.പായസ മത്സരവും സംഘടിപ്പിച്ച സംഗമം റിയാദ് മടവൂര്‍ പഞ്ചായത്ത് കെ.എംസിസിക്ക് പുത്തനുണര്‍വേകി.

.