മാഡ്രിഡ്: 2014 ലോകകപ്പിലെ ശ്രദ്ധേയ പ്രകടനത്തിന്റെ പിന്‍ബലത്തില്‍ മൊണാക്കോ വിട്ട് റയല്‍ മാഡ്രിഡിന്റെ കൂടാരത്തിലെത്തിയ കൊളംബിയന്‍ താരം ജെയിംസ് ഹാമിഷ് റോഡ്രിഗസ് ഈ സീസണ്‍ അവസാനിക്കുന്നതോടെ റയല്‍ മാഡ്രിഡിനോട് വിട പറയും.
ചെല്‍സിയില്‍ നിന്ന് ഏദന്‍ ഹസാദിനെ പാളയത്തിലെത്തിക്കാന്‍ കൊണ്ടുപിടിച്ച ശ്രമം നടത്തുന്ന സ്പാനിഷ് കരുത്തര്‍ പകരം വില്‍ക്കാന്‍ തീരുമാനിച്ചിരിക്കുന്നത് റോഡ്രിഗസിനേയാണ്. കൊളംബിയന്‍ താരം അടുത്ത സീസണില്‍ മാഞ്ചസ്റ്റര്‍ യുനൈറ്റഡിന്റെ ജേഴ്‌സിയില്‍ കളിച്ചേക്കുമന്ന റിപ്പോര്‍ട്ടുകളാണ് പുറത്തു വരുന്നത്. മാഞ്ചസ്റ്ററിലേക്ക് കളം മാറാന്‍ താരം സന്നദ്ധത അറിയിച്ചതായും റിപ്പോര്‍ട്ടുകളുണ്ട്. ഈ സീസണ്‍ അവസാനിക്കുന്നതോടെ വെയ്ന്‍ റൂണി മാഞ്ചസ്റ്ററില്‍ നിന്ന് വിട പറയും. അങ്ങനെയെങ്കില്‍ റൂണിയണിഞ്ഞ പത്താം നമ്പര്‍ ജേഴ്‌സി അടുത്ത സീസണില്‍ റോഡ്രിഗസിന് ലഭിക്കും.