നിലമ്പൂര്‍: കേരള ബാങ്ക് രൂപീകരണ തീരുമാനം വന്നതോടെ ആശങ്കയിലായ ആറായിരത്തോളം വരുന്ന പി.എസ്.സി റാങ്ക് ഹോള്‍ഡേഴ്‌സ് സമരത്തിനൊരുങ്ങുന്നു. ജില്ലാ ബാങ്കുകള്‍ക്ക് ശാഖ അനുവദിക്കുന്നതിനും തസ്തികകള്‍ സൃഷ്ടിക്കുന്നതിനും റജിസ്ട്രാര്‍ ഏര്‍പ്പെടുത്തിയ നിയന്ത്രണം പിന്‍വലിക്കുക, ജില്ലാ സഹകരണ ബാങ്കുകളിലെ അപ്രഖ്യാപിത നിയമന നിരോധനം നീക്കി റാങ്ക് ലിസ്റ്റിലുള്ളവരെ നിയമിക്കാന്‍ നടപടി സ്വീകരിക്കുക, തുടങ്ങിയ ആവശ്യങ്ങളുന്നയിച്ച് 24ന് സെക്രട്ടറിയേറ്റ് മുന്നില്‍ പരീക്ഷ എഴുതാന്‍ മാത്രം വിധിക്കപ്പെട്ടവര്‍ എന്ന പേരില്‍ പ്രതീകാത്മക പി.എസ്.സി പരീക്ഷയെഴുതി പ്രതിഷേധിക്കാനാണ് തീരുമാനം.
മുഖ്യമന്ത്രിക്കും വകുപ്പുമന്ത്രിക്കും ആറായിരത്തോളം പേര്‍ കത്തുകളയക്കും.
2017 ല്‍ വന്ന കാഷ്യര്‍ ക്ലാര്‍ക്ക് റാങ്ക് ലിസ്റ്റിന്റെ കാലവധി ഒരു വര്‍ഷമാണ്.
ഇതിനുള്ളില്‍ നിയമനം നടത്തണമെന്നാണ് ആവശ്യം.
കാലാവധി നീട്ടാന്‍ അധികാരം പി.എസ്.സിക്കുണ്ടെങ്കിലും നിയമന നിരോധനം നിലനിന്നാല്‍ പ്രയോജനമില്ലെന്നാണ് ഉദ്യോഗാര്‍ഥികളുടെ ആശങ്ക.