പാപ്പിനിശ്ശേരി: കഞ്ചാവ് വില്‍പ്പനക്കിടെ രണ്ട് യുവാക്കളെ പാപ്പിനി
ശ്ശേരി എക്‌സൈസ് സംഘം പിടികൂടി. പഴഞ്ചിറ സ്വദേശികളായ എ. അനൂപ് (24), സിറാജുല്‍ ഹസ്സന്‍(22) എന്നിവരെയാണ് പിടികൂടിയത്. അനൂപിന്റെ പക്കല്‍ നിന്ന് 25 ഗ്രാമും സിറാജില്‍ നിന്ന് 30 ഗ്രാമും വീതമാണ് പിടിച്ചെടുത്തത്. മയക്കുമരുന്ന് വില്‍പ്പന നടത്തുന്നുവെന്ന രഹസ്യവിവരത്തെ തുടര്‍ന്ന് കഴിഞ്ഞ ദിവസം രാത്രി പരിശോധനക്കിടെ പഴഞ്ചിറയില്‍ നിന്നാണ് ഇരുവരെയും പിടികൂടിയത്. പാപ്പിനി
ശ്ശേരി റെയ്ഞ്ച് എക്‌സൈസ് ഇന്‍സ്‌പെക്ടര്‍ സജീവ് മത്തായി, പ്രിവന്റിവ് ഓഫിസര്‍ ഇ.കെ വിനോദ്, സി.പി.ഒമാരായ പുരുഷോത്തമന്‍, ശ്രീകുമാര്‍, രജിഷ് എന്നിവരാണ് സംഘത്തിലുണ്ടായിരുന്നത്.