മേരിലാന്റ്: ആഗോള കൊവിഡ് ബാധിതരുടെ എണ്ണം 5 കോടിക്ക് അടുത്തെത്തി. 4.5 കോടി കടന്ന് ഒരാഴ്ചയ്ക്കു ശേഷമാണ് അതിവേഗം 5 കോടിയിലെത്തിയത്.

ഞായറാഴ്ച വൈകുന്നേരം വരെ ലഭിച്ച കണക്കുപ്രകാരം 49,879,743 പേര്‍ക്കാണ് കൊവിഡ് സ്ഥിരീകരിച്ചത്. ഇതുവരെ മരിച്ചവരുടെ എണ്ണം 1,251,118 ആയി ഉയര്‍ന്നു.

2020 മാര്‍ച്ച് 11 നാണ് ലോകാരോഗ്യ സംഘടന കൊവിഡ് രോഗത്തെ മഹാമാരിയായി പ്രഖ്യാപിച്ചത്. യു.എസിലാണ് ഏറ്റവും കൂടുതല്‍ രോഗികളുള്ളത്. ഇന്ത്യയും ബ്രസീലുമാണ് രോഗികളുടെ എണ്ണത്തില്‍ രണ്ടും മൂന്നും സ്ഥാനത്തുള്ളത്.