മലപ്പുറം: ലോക്‌സഭാ തെരഞ്ഞെടുപ്പിനു മുന്നോടിയായി മലപ്പുറത്തും പൊന്നാനിയിലും യു.ഡി.എഫ് പാര്‍ലമെന്റ് മണ്ഡലം കണ്‍വന്‍ഷന്‍ സംഘടിപ്പിച്ചു. മലപ്പുറത്ത് വാരിയംകുന്നത്ത് ടൗണ്‍ഹാളിലും പൊന്നാനി മണ്ഡലത്തിലേത് തിരൂര്‍ വാഗണ്‍ ട്രാജഡി ഹാളിലും നടന്നു.
യു.ഡി.എഫിലെ മുഴുവന്‍ ഘടകകക്ഷി നേതാക്കളും യോഗങ്ങളില്‍ പങ്കെടുത്തു. ഇരു കണ്‍വന്‍ഷനുകളും പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്തു. യു.ഡി.എഫ് ചെയര്‍മാന്‍ പി.ടി അജയ്‌മോഹന്‍ അധ്യക്ഷനായി. പി.കെ കുഞ്ഞാലിക്കുട്ടി എം.പി മുഖ്യപ്രഭാഷണം നടത്തി. പാണക്കാട് സയ്യിദ് സാദിഖലി ശിഹാബ് തങ്ങള്‍, ഇ.ടി മുഹമ്മദ് ബഷീര്‍ എം.പി, കെ.പി.എ മജീദ്, എം.പി അബ്ദുസ്സമദ് സമദാനി, ആര്യാടന്‍ മുഹമ്മദ്, ജോയ് എബ്രഹാം, സി.പി ജോണ്‍, കെ.പി കുഞ്ഞിക്കണ്ണന്‍, ജോണി നെല്ലൂര്‍, എ.എം സാലി കൊല്ലം, ടി. മനോജ്കുമാര്‍, പി.എം ജോണി, വി.വി. പ്രകാശ്, യു.എ ലത്തീഫ്, എം.എല്‍.എമാരായ എ.പി അനില്‍കുമാര്‍, അഡ്വ. കെ.എന്‍.എ ഖാദര്‍, പി. അബ്ദുല്‍ഹമീദ്, ടി.എ അഹമ്മദ് കബീര്‍, എം. ഉമ്മര്‍, മഞ്ഞളാംകുഴി അലി, ടി.വി ഇബ്രാഹീം തുടങ്ങിയവര്‍ സംസാരിച്ചു.