കായംകുളം: ഓപ്പറേഷന്‍ ഗുണ്ടാ സ്പഷ്യല്‍ ഡ്രൈവില്‍ നിരവധി കേസുകളിലെ പ്രതി പിടിയില്‍. ഗുണ്ടാ ആക്ടില്‍പ്പെട്ട് ഒളിവില്‍ കഴിഞ്ഞ പത്തിയൂര്‍ എരുവ ജിജീസ് വില്ലയില്‍ ആഷിഖ് എന്ന തക്കാളി ആഷിഖി (21) നെയാണു അറസ്റ്റ് ചെയ്തത്. ഇയാള്‍ സദാചാര പോലീസ് ചമഞ്ഞ് അക്രമം നടത്തിയ കേസിലും പ്രതിയാണ്. ജില്ലാ കളക്ടര്‍ ഗുണ്ടാ ആക്ട് പ്രകാരം ഒരു വര്‍ഷത്തേക്ക് കരുതല്‍ തടങ്കലിന് വിധിച്ചെങ്കിലും ഇയാള്‍ ഒളിവിലായിരുന്നു.  ഡി.വൈ.എസ്.പി.അനില്‍ദാസ് ,സി.ഐ റജി എബ്രഹാം, എസ്.ഐ.മഞ്ജു ദാസ് ,സ്‌കോട് അംഗങ്ങളായ സന്തോഷ്, ഇല്യാസ് ,അജിത്, സിറില്‍ എന്നിവരാണ് ഇയാളെ അറസ്റ്റ് ചെയ്തത്.ജില്ലാ പോലീസ് മേധാവിയുടെ നിര്‍ദ്ദേശ പ്രകാരം നടത്തിയ സ്പഷ്യല്‍ ഡ്രൈവിന്റെ ഭാഗമായി സ്റ്റേഷന്‍ അതിര്‍ത്തിയിലെ ഗുണ്ടകളുടേതുള്‍പ്പെടെയുള്ള മുപ്പതോളം വീടുകളിലും വിവിധ പ്രദേശങ്ങളിലും തെരച്ചില്‍ നടത്തി.തുടര്‍ന്നുള്ള ദിവസങ്ങളിലും സ്‌പെഷ്യല്‍ ഡ്രൈവ് പ്രകാരമുള്ള പരിശോധനകള്‍ നടക്കും.