സ്റ്റോക്ക് ഹോം: ഇന്ത്യയുടെ മധ്യദൂര ഓട്ടക്കാരി പി.യു ചിത്രക്ക് വീണ്ടും സ്വര്‍ണം. സ്വീഡനില്‍ നടന്ന ഫോക്‌സാം ഗ്രാന്റ് പിക്‌സ് മീറ്റിലെ 1500 മീറ്ററിലാണ് സീസണിലെ മികച്ച സമയത്തോടെ ചിത്ര സ്വര്‍ണം സ്വന്തമാക്കിയത്. ഏഷ്യന്‍ ഗെയിംസിലും ഇതേ ഇനത്തില്‍ മികച്ച പ്രകടനത്തോടെ സ്വര്‍ണം സ്വന്തമാക്കിയിരുന്നു. ഏഷ്യന്‍ ഗെയിംസില്‍ സ്വര്‍ണ മെഡല്‍ ജേതാവും മലയാളിയുമായ ജിന്‍സണ്‍ ജോണ്‍സന്‍ 1500 മീറ്ററില്‍ വെള്ളി സ്വന്തമാക്കി. 3:39:69 സമയം കൊണ്ടാണ് ജിന്‍സണ്‍ ഓട്ടം പൂര്‍ത്തിയാക്കിയത്. അടുത്തിടെ നെതര്‍ലന്‍ഡിസില്‍ നടന്ന അത്‌ലറ്റിക്ക് മീറ്റില്‍ ജോണ്‍സണ്‍ തന്റെ തന്നെ റെക്കോര്‍ഡ് തിരുത്തിയിരുന്നു.