ഹൈദരാബാദ്: ദുരഭിമാനത്തിന്റെ പേരില്‍ ഒരു കോടി രൂപക്ക് ക്വട്ടേഷന്‍ നല്‍കി യുവഎന്‍ജിനീയറെ കൊലപ്പെടുത്തിയ കേസില്‍ മുഖ്യപ്രതികള്‍ അറസ്റ്റില്‍. കഴിഞ്ഞ ദിവസം ബിഹാറില്‍നിന്ന് അറസ്റ്റിലായ കൊലയാളികളില്‍നിന്ന് ലഭിച്ച വിവരത്തിന്റെ അടിസ്ഥാനത്തില്‍ നടത്തിയ അന്വേഷണത്തിലാണ് യുവാവ് വിവാഹം കഴിച്ച പെണ്‍കുട്ടിയുടെ പിതാവ് മാരുതി റാവു, ഇയാളുടെ സഹോദരന്‍ ശ്രാവണ്‍ എന്നിവരെ പൊലിസ് അറസ്റ്റ് ചെയ്തത്.
പട്ടികവിഭാഗക്കാരനായ യുവാവുമായി മകള്‍ വിവാഹിതയായത് അംഗീകരിക്കാന്‍ കഴിയാത്തതാണ് കൊലക്കുപിന്നിലെ കാരണമെന്ന് പൊലിസ് പറഞ്ഞു. മാരുതി റാവുവിനും സഹോദരനും പുറമെ കോണ്‍ഗ്രസ് നേതാവ് അബ്ദുല്‍ കരിം, ശിവ, സുഭാഷ് ശര്‍മ എന്നിവരും പിടിയിലായിട്ടുണ്ട്.
കേസിലെ മുഖ്യപ്രതി പെണ്‍കുട്ടിയുടെ പിതാവ് മാരുതി റാവുവും രണ്ടാം പ്രതി സുഭാഷ് ശര്‍മയുമാണെന്ന് നല്‍ഗോണ്ട പൊലിസ് അറിയിച്ചു.