തൃശൂര്‍: തീവ്രവാദത്തിനും ഫാസിസത്തിനും ചരിത്ര വക്രീകരണത്തിനുമെതിരെ എസ്.കെ.എസ്.എസ്.എഫ് സംസ്ഥാന വൈസ് പ്രസിഡന്റ് ഓണമ്പിള്ളി മുഹമ്മദ് ഫൈസിയും, സംസ്ഥാന ട്രഷറര്‍ ബഷീര്‍ ഫൈസി ദേശമംഗലവും നയിക്കുന്ന എസ്.കെ.എസ്.എസ്.എഫ് തൃശൂര്‍ ജില്ലാ കമ്മറ്റിയുടെ ഭാരതീയം ചരിത്ര സ്മൃതി യാത്രയുടെ മേഖല തലങ്ങളില്‍ രൂപീകരിച്ച സംഘാടക സമിതിയുടെയും എസ്.കെ.എസ്.എസ്.എഫ് ജില്ലാ സെക്രട്ടറിയേറ്റ് അംഗങ്ങളുടെയും സംയുക്ത കണ്‍വെന്‍ഷന്‍ നാളെ വൈകീട്ട് 4 മണിക്ക് തൃശൂര്‍ എം.ഐ.സിയില്‍ ചേരുന്നു. എസ്.കെ.എസ്.എസ്.എഫ് ജില്ലാ ഭാരവാഹികള്‍, സെക്രട്ടേറിയേറ്റ് അംഗങ്ങള്‍, സ്റ്റിയറിംഗ് കമ്മറ്റി ചെയര്‍മാന്‍, സ്റ്റിയറിംഗ് കമ്മറ്റി കണ്‍വീനര്‍, ഭാരതീയം മേഖല തല സംഘാടക സമിതി ചെയര്‍മാന്‍, വര്‍ക്കിംഗ് ചെയര്‍മാന്‍, ജനറല്‍ സെക്രട്ടറി, ഫൈനാന്‍സ് സെക്രട്ടറി, സി.ഇ.ഒ, പി.ആര്‍.ഒ, ക്യാമ്പയിനിംഗ് ഡയറക്ടേഴ്‌സ് എന്നിവര്‍ പങ്കെടുക്കുമെന്ന് എസ്.കെ.എസ്.എസ്.എഫ് ജില്ലാ പ്രസിഡന്റ് സിദ്ധീഖ് ബദരി, ജനറല്‍ സെക്രട്ടറി ഷെഹീര്‍ ദേശമംഗലം, ട്രഷറര്‍ മെഹ്‌റൂഫ് വാഫി, വര്‍ക്കിംഗ് സെക്രട്ടറി ഹാഫിള് അബൂബക്കര്‍ സിദ്ധീഖ് എന്നിവര്‍ അറിയിച്ചു.