നേമം: നരുവാമൂട് പൊലിസ് സ്റ്റേഷന്‍ പരിധിയില്‍ നടുക്കാട് , വലിയറത്തല , കൃഷ്ണപുരം , മാര്‍ത്താണ്ഡേശ്വരം തുടങ്ങിയ സ്ഥലങ്ങള്‍ കേന്ദ്രീകരിച്ച് വാഴക്കുലകളും മരച്ചീനിയും മോഷണം നടത്തിവന്നയാളെ  നരുവാമൂട് പൊലിസ് പിടികൂടി. മലയിന്‍കീഴ്  വലിയറത്തല പെരുമന സ്‌കൂളിനു സമീപം ടി.ജെ ഭവനില്‍ മണിയന്റെ മകന്‍ ഗോപന്‍ (42) ആണ് പിടിയിലായത്. വലിയറത്തല ലതാഭവനില്‍ ശശിധരന്‍നായരുടെ വക വാഴക്കുലകള്‍ മോഷ്ടിച്ചെന്ന പരാതിയില്‍ നടത്തിയ അന്വേഷണത്തിലാണ് പ്രതി പിടിയിലായത്.
 ഏറെയും കപ്പക്കുലകളാണ് ഇയാള്‍ മോഷ്ടിച്ചിരുന്നത്. അടുത്തകാലത്തായി നടുക്കാട് , വലിയറത്തല , കൃഷ്ണപുരം , ചുരത്തൂര്‍ ക്കോണം ഏലാകളില്‍ നിന്നും നൂറ് കണക്കിന് വാഴക്കുലകളാണ് കര്‍ഷകര്‍ക്ക് നഷ്ടമായത്. കോടതിയില്‍ ഹാജരാക്കിയ പ്രതിയെ  റിമാന്റ് ചെയ്തു.