കൊല്ലം: മഹിളാ കോണ്‍ഗ്രസ് ജില്ലാ നേതൃത്വ പരിശീലന ക്യാംപ് ഇന്നും നാളെയും തെന്‍മല ഇക്കോ ടൂറിസം കണ്‍വന്‍ഷന്‍ സെന്ററില്‍ നടക്കുമെന്ന് ജില്ലാ പ്രസിഡന്റ് ബിന്ദു ജയന്‍, സി തങ്കമണി, ഗീതാ വിജയന്‍, ജുമൈല എന്നിവര്‍ വാര്‍ത്താസമ്മേളനത്തില്‍ അറിയിച്ചു.
ഇന്നു രാവിലെ 9ന് പ്രതിപക്ഷനേതാവ് രമേശ് ചെന്നിത്തല ക്യാംപ് ഉദ്ഘാടനം ചെയ്യും. മഹിളാ കോണ്‍ഗ്രസ് സംസ്ഥാന അധ്യക്ഷ ബിന്ദു കൃഷ്ണ മുഖ്യപ്രഭാഷണം നടത്തും.
 ജില്ലാ പ്രസിഡന്റ് ബിന്ദു ജയന്‍ അധ്യക്ഷത വഹിക്കും. കൊടിക്കുന്നില്‍ സുരേഷ് എം.പി തിരിച്ചറിയല്‍ കാര്‍ഡ് വിതരണം ചെയ്യും. കോണ്‍ഗ്രസ് നേതാക്കളായ ഭാരതീപുരം ശശി, ശൂരനാട് രാജശേഖരന്‍, എ ഷാനവാസ്ഖാന്‍, ചാമക്കാല ജ്യോതികുമാര്‍ തുടങ്ങിയവര്‍ സംസാരിക്കും. തുടര്‍ന്ന് ചര്‍ച്ചാ ക്ലാസ്.
നാളെ രാവിലെ 8ന് ലതികാ സുഭാഷ്, കെ.സി രാജന്‍, രാജ്‌മോഹന്‍ ഉണ്ണിത്താന്‍ തുടങ്ങിയവര്‍ ക്ലാസെടുക്കും.
 വൈകിട്ട് 3ന് സമാപന സമ്മേളനം കെ.പി.സി.സി അധ്യക്ഷന്‍ എം.എം ഹസന്‍ ഉദ്ഘാടനം ചെയ്യും. ഐ.എന്‍.ടി.യു.സി സംസ്ഥാന പ്രസിഡന്റ് ആര്‍ ചന്ദ്രശേഖരന്‍ തുടങ്ങിയവര്‍ സംസാരിക്കും.