മലപ്പുറം: കാലിക്കറ്റ് സര്‍വകലാശാല ബി-സോണ്‍ ബാഡ്മിന്റണ്‍ ചാംപ്യന്‍ഷിപ്പിനു തുടക്കമായി. കൊണ്ടോട്ടി ഇ.എം.ഇ.എ കോളജിന്റെ നേതൃത്വത്തില്‍ കോട്ടപ്പടി സെഞ്ച്വറി ഇന്‍ഡോര്‍ സ്‌റ്റേഡിയത്തില്‍ നടക്കുന്ന ചാംപ്യന്‍ഷിപ്പ് കാലിക്കറ്റ് സര്‍വകലാശാല ബി-സോണ്‍ കണ്‍വീനര്‍ പ്രൊഫ. കെ.പി ഹബീബ് റഹ്മാന്‍ ഉദ്ഘാടനം ചെയ്തു.
കൊണ്ടോട്ടി ഇ.എം.ഇ.എ കോളജ് കായികാധ്യാപകന്‍ ശിഹാബുദ്ദീന്‍ അധ്യക്ഷനായി. തിരൂര്‍ ടി.എം.ജി കോളജ് കായികാധ്യാപകന്‍ കേണല്‍ ശുക്കൂര്‍ ഇല്ലത്ത്, പ്രിയദര്‍ശിനി കോളജ് കായികാധ്യാപകന്‍ എം. അഭിജിത്ത് സംസാരിച്ചു. ജില്ലയിലെ 60 കോളജുകളില്‍ നിന്നുള്ള ടീമുകളാണ് മത്സരത്തില്‍ പങ്കെടുക്കുന്നത്. മൂന്നു ദിവസങ്ങളിലായി നടക്കുന്ന ചാംപ്യന്‍ഷിപ്പ് ഇന്ന് സമാപിക്കും.