കാളികാവ്: അന്തരിച്ച പ്രമുഖ പണ്ഡിതനും സമസ്ത ജില്ലാ മുശാവറ അംഗവുമായ മാളിയേക്കല്‍ എം. സുലൈമാന്‍ ഫൈസിക്ക് പ്രാര്‍ഥനാനിര്‍ഭരമായ യാത്രാമൊഴി. മാളിയേക്കല്‍ ജുമാമസ്ജിദ് ഖബര്‍സ്ഥാനില്‍ ജനാസ ഖബറടക്കി. രണ്ടാഴ്ച മുന്‍പ് ഫൈസി തന്നെ ബന്ധപ്പെട്ടവര്‍ക്ക് കാണിച്ചുകൊടുത്ത സ്ഥലത്താണ് ഖബര്‍ ഒരുക്കിയത്.
ജനാസ സന്ദര്‍ശിക്കാനായി സാദാത്തുക്കള്‍, മതപണ്ഡിതന്മാര്‍, സഹപ്രവര്‍ത്തകര്‍, ശിഷ്യന്‍മാര്‍ തുടങ്ങി വന്‍ജനാവലിയാണ് എത്തിച്ചേര്‍ന്നത്. പത്തിലേറെ തവണയായി വീട്ടില്‍വച്ചും മാളിയേക്കല്‍ മസ്ജിദിലും ജനാസ നിസ്‌കാരം നടന്നു. പാണക്കാട് സയ്യിദ് ഹൈദരലി ശിഹാബ് തങ്ങള്‍, സയ്യിദ് സാദിഖലി ശിഹാബ് തങ്ങള്‍, സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍, ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍, എം.ടി അബ്ദുല്ല മുസ്‌ലിയാര്‍, മുക്കം ഉമര്‍ ഫൈസി, ഹംസ റഹ്മാനി കൊണ്ടിപറമ്പ്, മജീദ് ഫൈസി കിഴിശ്ശേരി, പുത്രന്‍ ബഷീര്‍ ഫൈസി തുടങ്ങിയവര്‍ നേതൃത്വം നല്‍കി.
സമസ്ത മുശാവറ അംഗങ്ങളായ ഒ. മുഹമ്മദ് എന്ന കുട്ടി മുസ്‌ലിയാര്‍ അമ്പലക്കടവ്, എം.എം മുഹ്‌യുദ്ദീന്‍ മുസ്‌ലിയാര്‍ ആലുവ, വാക്കോട് മൊയതീന്‍ കുട്ടി ഫൈസി, ഒ.ടി മൂസ മുസ്‌ലിയാര്‍ എന്നിവരും ആനമങ്ങാട് അബ്ദുറഹ്മാന്‍ മുസ്‌ലിയാര്‍, ഇ.കെ കുഞ്ഞമ്മദ് മുസ്‌ലിയാര്‍ കാട്ടുമുണ്ട, അസ്ഗറലി ഫൈസി പട്ടിക്കാട്, അബ്ദുല്‍ ഹമീദ് ഫൈസി അമ്പലക്കടവ്, പുത്തനഴി മൊയ്തീന്‍ ഫൈസി, റഹ്മത്തുല്ലാഹ് ഖാസിമി മൂത്തേടം, അബ്ദുല്‍ അസീസ് മുസ് ലിയാര്‍ മൂത്തേടം, കാളാവ് സൈതലവി മുസ്‌ലിയാര്‍, ഹക്കീം ഫൈസി ആദൃശ്ശേരി, അലവി ഫൈസി കുളപ്പറമ്പ്, കെ. മോയിന്‍ കുട്ടി മാസ്റ്റര്‍, മുസ്തഫ മാസ്റ്റര്‍ മുണ്ടുപാറ, ആര്‍.വി കുട്ടിഹസന്‍ ദാരിമി, എം.പി കടുങ്ങല്ലൂര്‍, അബ്ദുറസാഖ് ബുസ്താനി, എ.പി ബാപ്പു ഹാജി അടക്കാകുണ്ട് തുടങ്ങിയവരും വസതിയിലെത്തി. മാളിയക്കല്‍ റഫീഖുല്‍ ഇസ്‌ലാം മദ്‌റസയില്‍ ചേര്‍ന്ന അനുസ്മരണ യോഗത്തില്‍ മഹല്ല് ഖത്വീബ് ഹനീഫ ഫൈസി അധ്യക്ഷനായി. ഫരീദ് റഹ്മാനി കാളികാവ്, കെ.വി അബ്ദുല്‍ ഹമീദ്, അബ്ബാസ് ബാഖവി ചാഴിയോട്, കെ.പി ഹൈദരലി, മുജീബുറഹ്മാന്‍ ദാരിമി, എം.സി സുലൈമാന്‍ ഫൈസി, പി. ഐദ്രോസ് മുസ്‌ലിയാര്‍, പി.ടി മഹ്മൂദ് ബാബു, ബഹാഉദ്ദീന്‍ ഫൈസി, എം. ഇണ്യാനു സംസാരിച്ചു.