മനാമ: അസുഖ ബാധിതനായതിനെ തുടര്‍ന്ന് ചികിത്സക്ക് പോയ പ്രവാസി മലയാളി നാട്ടില്‍ നിര്യാതനായി.
മനാമ ഗോള്‍ഡ്‌സിറ്റിക്കു സമീപം മൊബൈല്‍ ഷോപ്പ് നടത്തിയിരുന്ന കാസര്‍കോട് ചെമ്മനാട് സ്വദേശി ചെക്കരംകോട് ശിഹാബ് (39)ആണ് മരണപ്പെട്ടത്.

രക്താര്‍ബുദത്തിന് ചികിത്സ തേടിയിരുന്ന മംഗാലാപുരം യൂണിറ്റി ആശുപത്രിയിലായിരുന്നു അന്ത്യം. രോഗാവസ്ഥ സ്ഥിരീകരിച്ചതിനെ തുടര്‍ന്ന് വിദഗ്ധ ചികിത്സക്കായി രണ്ടാഴ്ച മുമ്പാണ് നാട്ടിലേക്ക് പോയത്.

ബഹ്‌റൈന്‍ കെഎംസിസിയുടെയും സമസ്തയുടേയും സജീവ പ്രവര്‍ത്തകനായിരുന്ന ശിഹാബ് ബഹ്‌റൈന്‍ കെ.എം.സി.സി കാസര്‍ഗോഡ് ജില്ലാ മുന്‍ സെക്രട്ടറികൂടിയായിരുന്നു.

ബഹ്‌റൈനില്‍ മതരാഷ്ട്രീയ മേഖലകളിലായി വലിയൊരു സുഹൃദ് വലയമുണ്ട് ശിഹാബിന്.

കാസറഗോട് സ്വദേശിയായ പരേതനായ മഹമൂദിന്റെയും സഫിയയുടെയും മകനാണ്. സഹോദരങ്ങള്‍: സലീന, ഷഹബാസ്. ഭാര്യ ഹസീന, മക്കള്‍ ഹനാന്‍, ഹംന.

ഖബറടക്കം ഇന്ന് (വെള്ളിയാഴ്ച) കാലത്ത് 10 മണിക്ക് ചെമ്മനാട് വലിയ ജുമാമസ്ജിദ് ഖബറിസ്ഥാനില്‍.

ശിഹാബിന്റെ ആകസ്മിക വേര്‍പാടില്‍ സമസ്ത ബഹ്‌റൈന്‍ നേതാക്കളും കെ.എം.സി.സി സംസ്ഥാനജില്ലാ കമ്മറ്റികളും അനുശോചനം രേഖപ്പെടുത്തി.

ശിഹാബിന് വേണ്ടി പ്രത്യേക പ്രര്‍ത്ഥനയും മയ്യിത്ത് നമസ്‌കാരവും ഇന്ന് (വെള്ളി) രാത്രി 9മണിക്ക് മനാമ ഗോള്‍ഡ്‌സിറ്റിയിലെ സമസ്ത ബഹ്‌റൈന്‍ ഓഡിറ്റോറിയത്തിലും 8.30ന് കെ.എം.സി.സി ഓഡിറ്റോറിയത്തിലും നടക്കുമെന്ന് ബന്ധപ്പെട്ടവര്‍ അറിയിച്ചു.