കോട്ടയം: ഇന്റര്‍നാഷനല്‍ അങ്കണവാടി എംപ്ലോയീസ് ഫെഡറേഷന്‍ (ഐഎന്‍ടിയുസി) സംസ്ഥാന നേതൃത്വപരിശീലന ക്യാംപും ജനറല്‍ കൗണ്‍സിലും ഈമാസം 20, 21 തിയ്യതികളില്‍ കോട്ടയം സിഎസ്‌ഐ റിട്രീറ്റ് സെന്ററില്‍ നടക്കും.മുന്‍മുഖ്യമന്ത്രി ഉമ്മന്‍ചാണ്ടി ക്യാംപ് ഉദ്ഘാടനം ചെയ്യും.
ഫെഡറേഷന്‍ സംസ്ഥാന പ്രസിഡന്റ് മാത്യു കുളങ്ങര അധ്യക്ഷനാകും. സമാപന സമ്മേളനത്തിന്റെ ഉദ്ഘാടനം പ്രതിപക്ഷ നേതാവ് രമേശ് ചെന്നിത്തല നിര്‍വഹിക്കും.
ആന്റോ ആന്റണി എംപി, എംഎല്‍എമാരായ തിരുവഞ്ചൂര്‍ രാധാകൃഷ്ണന്‍, സജീന്ദ്രന്‍, കോണ്‍ഗ്രസ് നേതാക്കളായ ലതികാ സുഭാഷ്, ഷാനിമോള്‍ ഉസ്്മാന്‍, സാമൂഹികനീതി വകുപ്പ് മേധാവികള്‍, ക്ഷേമനിധി ബോര്‍ഡ് അംഗങ്ങള്‍ പങ്കെടുക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
സാമൂഹികനീതി വകുപ്പ് നടപ്പാക്കുന്ന വിവിധ പദ്ധതികള്‍, അങ്കണവാടി മിഷന്‍, തൊഴിലില്‍ ജീവനക്കാര്‍ നേരിടുന്ന പുതിയ വെല്ലുവിളികള്‍ എന്നിവയെക്കുറിച്ച് ക്യാംപില്‍ ക്ലാസും ചര്‍ച്ചകളുമുണ്ടാവും.
ഫെഡറേഷന്‍ സംസ്ഥാന പ്രസിഡന്റ് മാത്യു കുളങ്ങര, ഭാരവാഹികളായ അനിതാ രാജു, കെ എം മേഴ്‌സി എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.