മുംബൈ: മഡ്്ഗാവ് ഡോക്കില്‍ നിര്‍മാണത്തിലിരിക്കുന്ന നാവികസേന യുദ്ധക്കപ്പല്‍ ഐ.എന്‍.എസ് വിശാഖപട്ടണത്തില്‍ വന്‍ തീപിടിത്തം. അകത്തു കുടുങ്ങിയ ബജേന്ദ്ര കുമാര്‍(23) മരിച്ചതായി വാര്‍ത്താ ഏജന്‍സിയായ പി.ടി.ഐ റിപ്പോര്‍ട്ട് ചെയ്തു. തീയണക്കാനുള്ള ശ്രമം തുടരുകയാണ്. ദക്ഷിണ മുംബൈയില്‍ സി.എസ്.എം.ടി റെയില്‍വേ സ്റ്റേഷന് സമീപത്താണ് കപ്പല്‍ നിര്‍മാണ ശാലയായ മഡ്ഗാവ് ഡോക്. വൈകീട്ട് 5.45നായിരുന്നു അപകടം. തീപിടിത്തത്തിന്റെ കാരണം വ്യക്തമല്ല. കപ്പലിന്റെ സെക്കന്റ് ഡക്കിലായിരുന്നു തീപിടിത്തം.