മലപ്പുറം: ഗ്രാമീണ്‍ ബാങ്ക് ജീവനക്കാര്‍ അഖിലേന്ത്യാ വ്യാപകമായി നടത്താനിരുന്ന ത്രിദിന പണിമുടക്ക്  ധനമന്ത്രാലയത്തിലെ ഉന്നത ഉദ്യോഗസ്ഥരുമായി നടത്തിയ ചര്‍ച്ചയെ തുടര്‍ന്ന് മാറ്റിവച്ചു. ഇന്നലെ മുതലായിരുന്നു പണിമുടക്ക് നടത്താന്‍ തീരുമാനിച്ചിരുന്നത്. ബാങ്ക് ജീവനക്കാര്‍ യു.എഫ്.ബി.യുവിന്റെ ആഭിമുഖ്യത്തില്‍ 29ന് നടത്തുന്ന അഖിലേന്ത്യാ പണിമുടക്കില്‍ ഗ്രാമീണ്‍ബാങ്ക് ജീവനക്കാരും പങ്കെടുക്കുമെന്ന് കേരള ഗ്രാമീണ്‍ ബാങ്ക് എംപ്ലോയീസ് യൂനിയന്‍ ജനറല്‍ സെക്രട്ടറി കെ കൃഷ്ണനും ഓഫിസേഴ്‌സ് യൂനിയന്‍ ജനറല്‍ സെക്രട്ടറി പി.ഗണേശനും അറിയിച്ചു.