കോഴിക്കോട്: ഇന്ത്യന്‍ മെഡിക്കല്‍ അസോസിയേഷന്‍ സംസ്ഥാനഘടകം സാംസ്‌കാരിക വിഭാഗത്തിന്റേയും ഐ.എം.എ കോഴിക്കോട് ഘടകത്തിന്റേയും ആഭിമുഖ്യത്തില്‍ ഡോക്ടര്‍മാരുടേയും അവരുടെ കുടുംബാംഗങ്ങളുടെയും ചിത്ര പ്രദര്‍ശനം 'വൈദ്യ വര്‍ണങ്ങള്‍' ആര്‍ട്ട് ഗാലറില്‍ ആരംഭിച്ചു. മൂന്നു ദിവസങ്ങളിലായി നീണ്ടുനില്‍ക്കുന്ന പ്രദര്‍ശനത്തില്‍ നിന്നും ലഭിക്കുന്ന തുക മുഖ്യമന്ത്രിയുടെ ദുരിതാശ്വാസ നിധിയിലേക്കാണ് കൈമാറുന്നത്. മ്യൂറല്‍, ജല ഛായങ്ങള്‍, കനീഫ് പെയിന്റിങ്ങുകള്‍ തുടങ്ങി 25 ഡോക്ടര്‍മാരുടെ 50ല്‍ പരം പെയിന്റിങുകളും ചിത്രങ്ങളുമാണ് പ്രദര്‍ശിപ്പിക്കുന്നത്.പ്രകൃതിയും, പൂക്കളും, മാതൃസ്‌നേഹവുമെല്ലാമാണ് ചിത്രങ്ങളില്‍ നിറഞ്ഞു നില്‍ക്കുന്നത്. മ്യൂറല്‍ വിഭാഗത്തില്‍പ്പെടുന്ന ഡോക്ടറുടെ മൂന്ന് ചിത്രങ്ങളാണ് പ്രദര്‍ശനത്തിനുള്ളത്.ഇന്നലെ വൈകിട്ട് മൂന്നിനു ആര്‍ട്ട് ഗ്യാലറിയില്‍ നടന്ന ചടങ്ങ് പ്രശസ്ത ചിത്രക്കാരന്‍ മദനന്‍ ഉദ്ഘാടനം ചെയ്തുതു. ഐ.എം.എ സംസ്ഥാന പ്രസിഡന്റ് ഡോ. ഇ.കെ ഉമ്മര്‍, ജനാര്‍ദ്ദനന്‍ കോട്ടംപ്രം, ഡോ. മനോജ് കുമാര്‍, ഡോ. പി.എന്‍ അജിത പങ്കെടുത്തു.