തൃക്കരിപ്പൂര്‍: മുന്‍ രാഷ്ട്രപതി ഡോ. എ.പി.ജെ അബ്ദുല്‍ കലാമിന്റെ ജ്വലിക്കുന്ന ഓര്‍മ്മകള്‍ പുതുക്കാന്‍ വിദ്യാര്‍ഥികള്‍ ഓര്‍മ്മമരം നട്ടു. കൈക്കോട്ടുകടവ് പൂക്കോയതങ്ങള്‍ സ്മാരക വൊക്കേഷണല്‍ ഹയര്‍സെക്കന്‍ഡറി സ്‌കൂള്‍ എന്‍.എസ്.എസ് യുനിറ്റിന്റെ നേതൃത്വത്തിലാണ് പരിപാടി സംഘടിപ്പിച്ചത്. സാധരണക്കാരാനായി പിറന്ന് കഠിനാധ്വാനത്തിലൂടെ ഇന്ത്യന്‍ രാഷ്ട്രപതി പദത്തിലെത്തി വിദ്യാര്‍ഥികള്‍ക്ക് എന്നും സ്വപ്ന നെയ്യാന്‍ പ്രേരിപ്പിച്ച പ്രിയ കലാമിന്റെ സ്മരണകള്‍ വിദ്യാര്‍ഥികളും അധ്യാപകരും പങ്കുവെച്ചു. പ്രിന്‍സിപ്പള്‍ എം അബ്ദുറഷീദ്, സ്റ്റാഫ് സെക്രട്ടറി ടി.കെ അബൂസാലി, പ്രോഗ്രാം ഓഫിസര്‍ പി.പി അബൂബക്കര്‍, പി ദാവൂദ്, കെ ഷീന, ടി സത്യ, കെ.വി ഗോപിക്കുട്ടി, കെ.വി റൈഹാനത്ത്, പി ഇന്ദിര നേതൃത്വം നല്‍കി.