നെടുമ്പാശേരി: മൂന്ന് യാത്രക്കാരില്‍ നിന്നായി രണ്ട്കിലോ സ്വര്‍ണം നെടുമ്പാശേരിയില്‍ എയര്‍ കസ്റ്റംസ് ഇന്റലിജന്‍സ് വിഭാഗം പിടികൂടി. സ്വര്‍ണം കൊണ്ടുപോകാനെത്തിയ രണ്ടുപേരും വിമാനത്താവളത്തിന് പുറത്തുവച്ച് അറസ്റ്റിലായി.
വെള്ളിയാഴ്ച രാത്രി ഗള്‍ഫ് എയര്‍ വിമാനത്തില്‍ ബഹ്‌റൈനില്‍നിന്ന് എത്തിയ പാലക്കാട് ചാലിശേരി സ്വദേശിയില്‍ നിന്നാണ് 750 ഗ്രാം സ്വര്‍ണം പിടികൂടിയത്. മിക്‌സിക്കകത്താണ് ഇയാള്‍ സ്വര്‍ണം ഒളിപ്പിച്ച് കൊണ്ടുവന്നത്. മലപ്പുറം, ആലുവ സ്വദേശികളില്‍ നിന്നാണ് പേസ്റ്റ് രൂപത്തിലും ആഭരണങ്ങളുമായും കൊണ്ടുവന്ന ഒന്നേകാല്‍ കിലോഗ്രാം സ്വര്‍ണം പിടികൂടിയത്.
ഇവരില്‍നിന്ന് സ്വര്‍ണം വാങ്ങാനെത്തിയ കോഴിക്കോട് സ്വദേശികളായ രണ്ട് പേരാണ് ടെര്‍മിനലിന് സമീപത്തുനിന്ന് പിടിയിലായത്.