റിയാദ്: ആലുവ സ്വദ്ദേശി കരിമ്പേപടിക്കൽ അബ്ദുൽ സത്താർ (42) തായിഫിൽ മരണപ്പെട്ടു. ഉമറലി ബൽശറഫ് കമ്പനിയിൽ 18 വർഷമായി ട്രൈയിലർ ഡ്രൈവർ ജീവനക്കാരനായിരുന്നു. കമ്പനിയുടെ തായിഫ് ബ്രാഞ്ചിനരികെ ട്രൈയിലറിൽ വിശ്രമിക്കുകയായിരുന്ന അബ്ദുൽ സത്താർ പെട്ടന്നുണ്ടായ ഹൃദയാഘാതത്തെ തുടർന്ന് വാഹനത്തിൽ നിന്നും വീഴുകയും തലക്ക് ഗുരുതരമായ പരിക്കുകളോടെ തായിഫ് കിംഗ് ഫൈസല്‍ ആശുപത്രിയില്‍ തീവ്രപരിചരണ വിഭാഗം ചികിത്സയിൽ കഴിയവെയാണ് മരണം.

    ഇന്ത്യ ഫ്രറ്റേണിറ്റി ഫോറം പ്രവർത്തകനാണ്. അബൂബക്കർ പല്ലേരിക്കണ്ടം ( പിതാവ് ), നഫീസ അബു (മാതാവ്). ഭാര്യ: ഷിംന സത്താർ, മക്കൾ: ഇമ്രാൻ (8), ഇർഫാൻ (8), ഇഹ്സാൻ (6)

    നിയമ നടപടികൾ പൂർത്തിയാക്കാൻ സാദിഖ് കായംകുളം, ഹബീബ് തിരുവനന്തപുരം, റിയാദിൽ നിന്നും അഷറഫ് വേങ്ങൂർ, മുഹിനുദ്ദീൻ മലപ്പുറം, മുനീബ് പാഴൂർ, ജിദ്ദയിൽ നിന്ന് മുഹമ്മദ് അലി എന്നിവർ രംഗത്തുണ്ട്.