ടോകിയോ: എഫ്.ഐ.എച്ച് സീരീസ് ഫൈനല്‍സ് ഹോക്കി ഫൈനലില്‍ ജപ്പാനെ കീഴടക്കി ഇന്ത്യ. 3-1 എന്ന സ്‌കോറിന് ആധികാരിക വിജയത്തോടെ ഫൈനല്‍ സ്വന്തമാക്കിയ ഇന്ത്യ ഇതോടെ ടോക്കിയോ ഒളിംപിക്‌സ് യോഗ്യതയ്ക്ക് ഒരു പടി കൂടി അടുത്തു.
മൂന്നാം മിനുട്ടില്‍ റാണി രാംപാല്‍ ഇന്ത്യയ്ക്ക് ലീഡ് നേടിക്കൊടുത്തപ്പോള്‍ 11-ാം മിനുട്ടില്‍ കാനോന്‍ നേടിയ ഗോളിലൂടെ ജപ്പാന്‍ ഗോള്‍ മടക്കി സമനില പാലിച്ചു.
ഇതോടെ ആദ്യ പകുതി അവസാനിച്ചപ്പോള്‍ 1-1ന് ഇരു ടീമുകളും തുല്യത പാലിച്ചു.
എന്നാല്‍ ര@ണ്ടാം പകുതിയില്‍ ഗുര്‍ജീത് നേടിയ ര@ണ്ട് ഗോളുകളുടെ ബലത്തില്‍ ഇന്ത്യ മത്സരം സ്വന്തമാക്കുകയായിരുന്നു. ഇന്ത്യന്‍ താരമായ ഗുര്‍ജിതിനെ ടോപ് സ്‌കോററായും റാണി രാംപാലിനെ ടൂര്‍ണമെന്റിലെ താരമായും തിരഞ്ഞെടുത്തു.
നേരത്തെ ഇന്ത്യന്‍ പുരുഷ ടീം ഒളിംപിക് യോഗ്യത നേടിയിരുന്നു. ഇതിന് പിന്നാലെയാണ് വനിതാ ടീം ഒളിംപിക്‌സിലേക്ക് അടുക്കുന്നത്. ഇക്കഴിഞ്ഞ പരമ്പരയിലുടനീളം ഇന്ത്യന്‍ വനിതകള്‍ മികച്ച പ്രകടനമായിരുന്നു പുറത്തെടുത്തത്.