മലപ്പുറം :മഞ്ചേരി മെഡിക്കല്‍ കോളേജില്‍ എം.ബി.ബി.എസ് വിദ്യാര്‍ഥികള്‍ നടത്തി വന്ന സമരം പിന്‍വലിച്ചു. ആരോഗ്യമന്ത്രി കെ.കെ ശൈലജയുമായി, സമരം നടത്തുന്ന വിദ്യാര്‍ത്ഥികളുടെ പ്രതിനിധികള്‍ നടത്തിയ ചര്‍ച്ചയിലാണ് സമരം ഒത്തുതീര്‍ന്നത്. വിദ്യാര്‍ഥികളുടെ ആവശ്യം പരിഗണിക്കുമെന്ന് സര്‍ക്കാര്‍ അറിയിച്ചു.

വിദ്യാര്‍ഥികള്‍ ആവശ്യപ്പെട്ട 20 അധ്യാപക തസ്തികകളില്‍ പകുതി ഉടന്‍ അനുവദിക്കാമെന്ന് മന്ത്രി ഉറപ്പുനല്‍കി. മറ്റു തസ്തികകള്‍ ഉടന്‍ സൃഷ്ടിക്കുമെന്നും മന്ത്രി സമരക്കാര്‍ക്ക് ഉറപ്പുനല്‍കി.

മഞ്ചേരി മെഡിക്കല്‍ കോളജിനോടുള്ള സര്‍ക്കാര്‍ അവഗണനയില്‍ പ്രതിഷേധിച്ച് കഴിഞ്ഞ നാലുദിവസമായി എം.ബി.ബി.എസ് വിദ്യാര്‍ഥികള്‍ കോളജിന് മുന്നില്‍ അനിശ്ചിതകാല സമരം നടത്തിവരികയായിരുന്നു.